Азанчылардын республикалык мелдеши өткөрүлөт

Азынчылардын республикалык мелдеши 27-апрель күнү имам Сарахси атындагы республикалык борбордук мечитте өтөт.

Баш байге Умра сапарына жолдомо

2019-жылдын 27-апрель күнү имам Сарахси атындагы республикалык борбордук мечитте азынчылардын республикалык мелдеши өтөт.

Бул күнү өлкө аймагынан танталып алынган 27 азанчы ат салышып, өз күчтөрүн сынап көрүшмөкчү. Азанчылардын республикалык мелдешине Кыргызстан Мусулмандарынын Азирети Муфтийи Максатбек ажы Токтомушев жана дин аалымдары катышмакчы.

«Азынчылар арасында өтүп жаткан мелдеш өлкөбүздө алгачкы жолу уюштурулуп жатат. Республикалык тандоо турунда 3 жеңүүчү аныкталат. Биз буга чейин ар бир облусттан 3төн жеңүүчүнү таап, республикалык мелдешке жолдомо ыйгарганбыз»,-деди уюштуруу тобунун жетекчиси Арыпбек Айтбаев.

Азынчылардын республикалык мелдешинин жеңүүчүсүнө Умра сапарына жолдомо ыйгарылса, калган 2 орунга баалуу белек-бечкектер берилмекчи.

Эскерте кетсек, азынчылардын мелдеши Кыргызстан Мусулмандарынын Дин Башкармасы жана «Мухаммад-Умар-Ош» коомдук бирикмеси тарабынан уюштурулууда. Мелдеш 2018-жылдын ноябрь айында башталып, 2019-жылдын 27-март күнү облустук тандоо туру өткөн.  Бул сынакка жалпысынан 500 азанчы катышып, республикалык мелдешке 27 талапкер жолдомо алган.

Жарыяланды 02

Комментарий жиберүү