Казакстанда жардыруудан жапа чеккендерге жардам берүү уланууда

Казакстандын түштүгүндөгү Туркестан облусунда жайгашкан аскер бөлүгүндөгү кампада болгон массалык жардыруудан бери дегенде 50 адам жаракат алды жана жергиликтүү кызмат жапа чеккендерге жардам көрсөтүү уланып жатканын билдирди. Бул тууралуу Fars агенттиги кабарлады.
Дүйшөмбү күнү маалымат булактары Казакстандын түштүгүндөгү аскер бөлүктөрдүн биринде катуу жардыруу болгонун маалымдашкан.
Daily Sabah гезитинин берген маалыматына караганда, жардыруу курал-жарактар сакталган кампада чыккан өрттөн улам келип чыккан.
Казакстандын саламаттык сактоо министрлигинин берген маалыматына караганда, жардыруудан бери дегенде 50 адам жабыр тартты. Аскер бөлүгүнүн тегерегинде аймактарда жашаган 40 миңдей адам окуядан кийин тез аранын ичинде үй-жайын таштап кетүүгө мажбур болушту.
Кырсык абдан оор болгондуктан, жапа чеккендерге жардам көрсөтүү уланып жатат.
Казакстандын президенти Касым Жоомарт Токаев өлкөнүн коргоо министрине жана Туркестан аймагынын жетекчилерине тез аранын ичинде зарыл болгон иш-чараларды жүргүзүүгө жана жашоочулардын коопсуздугун камсыз кылууга буйрук берди.
Аймакка 1000ге жакын полиция күчтөрү жана аскерлер тартылган. Аймактын жашоочулары үй-жайларынан 50 км. алыс жерге көчүрүлдү. Азыркы учурда кырсыктын келип чыгуу себептерин иликтөө иштери жүрүп жатат.

Комментарий жиберүү