АКШ: COVID-19га чалдыккандардын саны 105 миңге чукулдады

Кошмо Штаттарда коронавирусту жуктуруп алгандардын саны 105 миңге чукулдап, Италия менен Кытайдан ашты.

Оору эң көп катталган Нью-Йорктун ооруканалары бейтаптарга толду. Жон Хопкинс университетинин маалыматына ылайык, 28-марттын таңына карата 104 миң 829 учур аныкталды. АКШда жаңы вируска кабылгандардын саны Италияга салыштырмалуу 20 миңге көбөйдү.

COVID-19 вирусу чыккан Кытайда бул көрсөткүч 82 миңдин тегерегинде.

28-марттын таңындагы маалыматка караганда, АКШда коронавирустан 1,711 киши көз жумду. Дүйнөдө бул көрсөткүч 27,373 деп белгиленди.

Комментарий жиберүү