Министрлер Кабинетинин Төрагасы  Акылбек Жапаров Вашингтон шаарына болгон жумуш сапарынын алкагында америка-кыргыз соода палатасынын өкүлдөрү менен жолукту. “Кыргызстан – маданий мурастарга бай, жаратылыш ресурстарына жана стратегиялык географиялык абалга ээ өлкө. Биз чет өлкөлүк инвесторлор жана бизнес-коомчулуктар үчүн туруктуу жана ачык экономиканы түзүүгө умтулабыз”, – деген МинКаб Төрагасы бул жолугушуу эки тараптуу салттуу достук мамилелерди чыңдап, эки өлкөнүн бизнес-чөйрөлөрүнүн эки тараптуу кызматташуусуна кошумча түрткү берерин белгиледи. МинКаб Төрагасы энергетика, айыл чарба, тоо-кен жана туризм сыяктуу тармактарга…

Борбор Азиядагы мамлекеттер Иран менен Израилдин ортосундагы чыр-чатактын курчуп кетишин алдын алууга чакырган билдирүүлөрүн жарыялашууда. Кыргызстандын Тышкы иштер министрлиги Иран менен Израилдин ортосундагы чыр-чатактын курчушуна чоң кооптонуусун билдирип, тараптарды бүткүл Жакынкы Чыгышта (Батыш Азия) кырдаалды туруксуздаштырууга алып келиши мүмкүн болгон мындан аркы аскердик аракеттерден баш тартууга чакырды. “Кыргыз Республикасы тараптарды чыр-чатакты эл аралык укуктун жалпы таанылган принциптерине жана нормаларына, биринчи кезекте БУУнун Уставына ылайык тынчтык жолу менен чечүүгө дагы бир жолу чакырат”,-деп айтылат ТИМдин маалыматында….

Ушул жуманын ортосунда Россиянын эки – Курган жана Тюмень облусттарында суу ташкын болору күтүлүүдө. Белгилей кетүүчү жагдай, аталган аймактар Казакстан менен чектешет.  Кремлдин пресс-катчысы Дмитрий Песков суу ташкын Россиянын Курган жана Тюмень облусттарында күтүлүп жаткандыгын маалымдады. “Бул жерде биздин адистердин, эң оболу ӨКМдин адистеринин тыянагын күтүү керек. Алар берген маалымат боюнча, бул жуманын ортосу – бул эки аймакка же Тюмень жана Курган облусттарына суу келе турган учур. Биз бул табият кырсыгына каршы чараларды көрүүдөбүз”, – деди ал….

Ооганстанда бир нече күн катары менен тынбай жааган нөшөрдөн улам башталган суу ташкын 33 кишинин өмүрүн алды. Баш калаа Кабулду жана башка аймактарды каптаган селден жүздөгөн үй кыйрады. Бул тууралуу Ооганстандын башында турган “Талибан” кыймылы билдирди. “Тилекке каршы 33 адам набыт болду, 27 киши жараат алды. Айыл-кыштактарда 600дөн көп үй талкаланды”-деди талибдердин өкүлү, мулла Жанан Сайик. Учурда Казакстандын жана Орусиянын бир катар аймактарында дарыяларда суунун деңгээли көтөрүлүп, жүз миңдеген үй-жайларды каптап кетти. Миңдеген адамдар коопсуз…

Россиянын Оренбург облусундагы Урал дарыясында суунун деңгээли 12-апрель күнү 11 метр 62 сантиметрге чейин жетти. Облус администрациясынын маалыматы боюнча, 12 миңден ашуун үй, 17 миң 203 короо-жай суу алдында калууда. Оренбург облусунун жабыркаган райондорунан 10 миңден ашык киши коопсуз жактарга эвакуацияланды. 1,5 миңдей киши убактылуу баш калкалоочу жайларга жайгаштырылды. Түштүк Уралдын аймактары быйыл болуп көрбөгөндөй суу ташкындарына дуушар болушту. Эң оор абал Оренбург облусунда. Облуска федералдык деңгээлдеги өзгөчө кырдаал режими киргизилген. Сүрөт: Известия 

Кытай Палестинанын БУУга толук мүчөлүгүн колдойт. Бул тууралуу Кытайдын Тышкы иштер министрлигинин өкүлү Мао Нин маалымат жыйында Палестинанын БУУга мүчөлүгү боюнча Кытайдын позициясын билдирип жатып айтты. Синьхуа маалымат агенттиги маалымдагандай, Палестина администрациясы жакында БУУнун Коопсуздук Кеңешине бул эл аралык уюмга толук кандуу мүчө болуу арызын кайра карап чыгууну расмий түрдө суранган. Мындай өтүнүч биринчи жолу 2011-жылы жасалган. Коопсуздук кеңеши 8-апрелде жыйын өткөрүп, бул өтүнүчтү жаңы мүчөлөрдү кабыл алуу боюнча комитеттин талкуусуна тапшырды. Мао Ниндин айтымында,…

Иран Батыш Азиядагы жаңжалды кеңейтүүнү көздөбөйт, бирок Израилди тизгиндөөнү аймактагы коопсуздукту калыбына келтирүү үчүн зарыл шарт деп эсептейт. Бул тууралуу Ирандын тышкы иштер министри Хосейн Амир Абдоллахиан билдирди. “Eurasia Today” маалымдагандай, Абдоллахиан Австралия, Улуу Британия жана Германиянын ТИМ башчылары менен сүйлөшүүлөрдү өткөргөнүн, анда аларды Израилдин Дамасктагы Иран консулдугуна кол салуусун айыптоодо так позицияны жарыялоого чакырганын Х соцтармактагы баракчасына жазды. Министр Израиль эл аралык мыйзамдарды жана Вена конвенцияларын бузуп, дипломатиялык өкүлчүлүктөрдүн кол тийбестигин бузганын айтып, бул агрессорду жазалоону камтыган мыйзамдуу…

Бүгүн Кыргызстандын Тышкы иштер министрлигинин Консулдук департаментинде Россиянын элчилигинин кеңешчи-консулу Андрей Бурьевой менен жолугушуу болуп өттү. КР ТИМден билдиришкендей, жолугушуунун жүрүшүндө кыргыз тарабы Россиянын ички иштер органдарынын кызматкерлеринин Кыргызстандын Россиядагы элчилигинин кеңешчисинин үй-бүлө мүчөлөрүнө карата “Дипломатиялык мамилелер жөнүндө” 1961-жылдагы Вена конвенциясынын жоболорун одоно бузган аракеттерине өзүнүн тынчсыздануусун билдирди. “Кыргызстандын дипломатиялык өкүлчүлүгүнүн аккредитациялан кызматкерлерине карата Россиянын укук коргоо органдарынын кызматкерлери тарабынан мындай аракеттер кабыл алынгыс болуп, кылдаттык териштирүүнү жана күнөөлүлөрдү кыска мөөнөттө жоопко тартуу талап кылынды”,…