Ирандын президенти Масуд Пезешкян Иракка болгон сапарынын негизги максаты Ислам Үммөтүндө биримдик, ынтымак жана тилектештик орнотуу болгонун айтты.

Бул тууралуу Пезешкян Иракка расмий сапары аяктагандан кийин Х социалдык тармактагы баракчасына жазды.

Ал күрт жана араб тилдеринде мындай деп жазган: “Биздин дос жана коңшу Ирак өлкөсүнө үч күндүк сапарыбыздын негизги максаты биримдикти, ынтымакты жана тилектештикти орнотуу болгон”.

Иран президентинин айтымында, сапардын жүрүшүндө Иран менен Ирактын ортосунда өз ара түшүнүшүү боюнча 14 меморандумга кол коюлган.

Пезешкян иран тараптын артыкчылыгы эки өлкөнүн орток көз карашына жетишүү экенин белгилеп, Иракта жакшы жолугушуулар болгонун айтты.

Ирандын президенти Масуд Пезешкян июль айында кызматка киришкенден берки биринчи чет элдик расмий сапары менен Иракка барган. Сапардын алкагында, мамлекет башчысы Ирактын премьер-министри Мохаммад Шиа ал-Судани, президенти Абдул Латиф Рашид менен өзүнчө жолугушуп, сүйлөшүүлөрдү өткөрдү.