Палестиналык ХАМАС кыймылы Израиль менен Газа тилкесиндеги гуманитардык элдешүүнү дагы эки күнгө узартуу боюнча макулдашууга жетишти. Бул тууралуу кыймылдын саясий бюросунун башчысы Исмаил Ханиянын басма сөз катчысы Тахер ан-Нуну ТАССтын кабарчысына билдирди. Анын айтымында, келишим «буга чейин жетишилген шарттарда болот».
«Убактылуу гуманитардык элдешүүнү дагы эки күнгө узартуу боюнча макулдашууга жетишилди», — деди ан-Нуну. Элдешүү 30-ноябрга чейин күчүндө болот.
Анын айтмында туткундагы ар бир палестиналыкка израилдик 3 туткун алмаштырылат жана күн сайын Газага 200 жүк ташуучу унаа (гуманитардык жардам) өткөрүлүп турат. Келишим боюнча ошондой эле жүк ташуучу унаалардын жарымы сектордун түндүгүнө да жардам жеткирет.
Буга чейин Катардын Тышкы иштер министрлигинин расмий өкүлү Мажид бин Мохаммед аль-Ансари Израиль менен ХАМАС ортомчулардын жардамы менен Газа тилкесиндеги гуманитардык элдешүүнү дагы эки күнгө узартуу боюнча макулдашууга жетишкенин билдирген.
Жаңыланган элдешүүнүн алкагында эки күндүн ичинде Газа тилкесиндеги барымтадагы 20 израилдик Израилдин түрмөлөрүндөгү 60 палестиналык туткундун ордуна бошотулушу күтүлүүдө.
22-ноябрда ХАМАС кыймылы Израиль менен Египет жана Катардын ортомчулугу менен Газа тилкесинде төрт күнгө гуманитардык элдешүү боюнча келишимге жетишкенин жарыялаган. Макулдашуулар Израилдин түрмөлөрүндөгү 150 өспүрүмдү (19 жашка чейинки) жана аялдарды бошотуунун ордуна анклавда кармалып турган 50 балдарды, өспүрүмдөрдү (19 жашка чейинки) жана аялдарды бошотууну камтыйт. 24-ноябрда жарашуу күчүнө кирип, ошол эле күнү барымтадагылардын биринчи тобу бошотулган.