Кыргызстанда Улуттук антидопинг борбору түзүлдү

Кыргызстанда Улуттук антидопинг борбору түзүлдү. Бул тууралуу Жаштар иштери, дене тарбия жана спорт боюнча мамлекеттик агенттигинин басма сөз кызматы билдирет.

Допингке каршы күрөшүү дирекциясы «Улуттук антидопинг борбору» Мамагенттиктин алдында түзүлдү.
Дирекция допингди жок кылуу максатында ал менен күрөшүп, спортто допингди колдонууга каршы иш алып барган мекеме болуп саналат.
Дирекция төмөнкү милдеттерди аткарат:
  Кыргыз Республикасынын территориясында антидопинг саясатын ишке ашыруу;
  антидопинг саясатын иштеп чыгуу үчүн сунуштарды киргизүү;
  Дүйнөлүк антидопинг Кодексинин жана Кыргыз Республикасынын антидопинг эрежелеринин аткарылышын камсыз кылуу;
  Кыргыз Республикасынын спортчуларынын арасында таза спортту жайылтуу.
Мекеме Бишкек шаары, Тоголок Молдо көчөсү 17 дареги боюнча жайгашкан.

Комментарий жиберүү