Тунис президенти: Палестина элинин укуктары соодалашууга жатпайт

Тунистин президенти өлкөлөрдү палестиналыктардын укуктарын колдоого чакырып, ал боюнча  соодалашуу туура эместигин билдирди.

Fars News агенттигинин маалыматына ылайык, президент Кэйс Сагыйд Тунистеги Палестинанын элчиси Хаэль аль-Фахум менен жолугушту деп кабарлады РТ каналы.
“Бул укук (палестиналыктардын укугу) базарда соодалаша тургандай товар эмес жана палестиналыктардын укуктарын коргоочу эркин адамдар боло беришсе, Палестина эч убакта жоголбойт”, – деди Тунистин президенти.  Кэйс Сагыйд БАЭнин сионисттик режим менен түзгөн келишими тууралуу мындай деди: Биз албетте, өлкөлөрдүн чечимдерин сыйлайбыз, бирок акыркы окуя боюнча өз абалыбызды эркин түрдө баяндаганга акылуубуз.
Тунис президенти палестиналыктардын сионисттик режимдин алдында укуктарын колдоо керектигин баса белгилеп,  мындай деп айтты: “Жеңилүү маданиятын жүктөө жеңилүүнүн өзүнөн да коркунучтуу. “
Белгилей кетсек, Хаэль аль-Фахум өз тарабынан Тунис жетекчилигине палестиналыктардын укуктарын колдоо боюнча чечкиндүү абалына ыраазычылыгын билдирди. Ал мындай деп кошумчалады: “Тунис палестиналыктардын укуктарына карата чечкиндүү абалын билдирип, иш жүзүндө дагы далилдеди жана Палестина эли менен бирге укуктарын кайтарып алуу жолунда күрөшүүдө шериктеш. “

Комментарий жиберүү