Израилдин коргоо министри Исраэл Кац палестиналык ХАМАС кыймылынын Саясий бюросунун башчысы Исмаил Ханиянын өлүмүнө өз өлкөсүнүн тиешеси бар экенин ырастады. Бул тууралуу The Times of Israel басылмасы жазып чыкты.
«Биз [хусийлердин] стратегиялык инфраструктурасына сокку урабыз жана алардын лидерлерин жок кылабыз. “Биз Ханияга, [ХАМАСтын лидери Яхья] Синварга жана [Ливандагы “Хезболла” кыймылынын лидери Хасан] Насраллага Тегеранда, Газада жана Ливанда эмне кылган болсок, биз Ходейда жана Санаада жасайбыз”,- деди Кац.
Коргоо министрлигинин башчысы ошондой эле Израил тарап Сириянын президенти Башар Асадды кулатууга катышканын айтты: “Биз Сирияда Асаддын режимин кулаттык, “жамандык огуна” оор сокку урдук жана биз Йемендеги хусилер террордук уюмуна да олуттуу сокку урулду»,-деди ал.
19-декабрда Израилдин Коргоо күчтөрү (IDF) Йемендеги хусилердин аскерий буталарына абадан сокку урганы тууралуу маалыматты тастыктады. Соккулар өлкөнүн порттору менен катар баш калаа Санадагы энергетика инфраструктурасын бутага алды.
Ушул жылдын июль айында Исмаил Хания эртең менен Тегерандагы резиденциясына кол салуудан каза болгон. ХАМАСтын Саясий бюросунун башчысы менен бирге анын жансакчыларынын бири каза болгон.