Иран парламентинин спикери Мохамад Багер Галибаф сионисттик режимдин (Израиль – ред.) кылмыштары менен күрөшүүдө мусулман өлкөлөрүнүн тилектештигине жана кызматташтыгына үмүттөнөрүн билдирди.
Бул тууралуу ал 15-декабрда Оман Султанатынын Жогорку сотунун төрагасы Халифа бин Саид бин Халифа Аль Бусаиди менен болгон жолугушуусунда билдирди.
Омандын Жогорку сотунун төрагасы Иранга соттук делегацияны баштап барган.
«Сионисттик режимдин кылмыштарына каршы туруу үчүн ислам өлкөлөрүнүн бекем биримдиги зарыл», – деп баса белгиледи ал.
Омандын Жогорку Сотунун төрагасы бүгүнкү күндө ислам өлкөлөрү туш болгон оор абалды ырастады.
«Омандын позициялары Иран Ислам Республикасынын бул чөйрөдөгү позициясы менен дал келет. Аймакта кылмыштар болуп жатат жана аларды улантпоо үчүн чечим табылышы керек деп эсептейбиз», – деди ал Аль Бусаиди.
Ал сионисттик режимдин кылмыштарынын улануусуна бөгөт коюу үчүн ташталган кадамдарды алсыз жана жетишсиз деп чыпаттап, сионисттик режимдин кылмыштарына каршы туруу үчүн Ислам өлкөлөрүнүн арасында биримдикти өнүктүрүү керек деди.
Мындан тышкары, бул жолугушууда тараптар эки өлкөнүн ортосундагы экономикалык жана саясий мамилелерди түрдүү деңгээлдеги, өзгөчө парламенттер ортосундагы байланыштарды чыңдоонун баалуу мүмкүнчүлүгү катары талкуулашты.
«Иран менен Омандын парламенттеринин төрагалары жана парламенттик достук топтору бири-бири менен жакшы байланышта жана сот тармагындагы мамилелер да кеңейет деп үмүттөнөбүз. Ошондуктан бул сапар мамилелердин өнүгүшүнө салым кошо алат», – деп баса белгиледи Галибаф.