Йеменде көп жылдан бери уланып жаткан согуштун натыйжасында беш жашка чейинки балдардын жарымына жакыны курч чала тамактануудан жапа чегип келет.
Бул тууралуу Бириккен Улуттар Уюмунун Балдар фондунун (ЮНИСЕФ) Йемендеги өкүлү Питер Хокинс Женевадагы брифингде билдирди.
Анын айтымында, Йеменде беш жашка чейинки ар бир экинчи бала курч чала тамактануудан жапа чегет. Алардын ичинен 537 миңден ашыгы курч чала тамактануу, азаптуу, өмүргө коркунуч туудурган жана толугу менен алдын ала турган оорудан жапа чегип келет. Тое тамактанбоо иммундук системаны алсыратат, өсүүсүн токтотот жана балдардын өз потенциалынан ажыратууда.
“Йеменде бул жөн гана саламаттыкты сактоо кризиси эмес, бул миңдеген адамдар үчүн өлүм өкүмү”, – деди Хокинс.
Ал чала тамактануудан ошондой эле 1,4 миллион кош бойлуу жана эмчек эмизген аялдар жапа чегишерин кошумчалады.
“Биздин 2025-жылдагы кайрымдуулукка чакыруубуз 25% гана каржыланды. Шашылыш ресурстарсыз биз өсүп жаткан муктаждыктарга жооп бере турган минималдуу кызматтарды да колдой албайбыз”, – деп баса белгиледи ЮНИСЕФтин өкүлү.
Йемен бир нече жылдан бери эл аралык коомчулуктун көз карашы боюнча мыйзамдуу болгон өлкөнүн бийликтери менен козголоңчу “Ансар Аллах” (хуситтер) тобунун тирешүүсүнүн аренасы болуп келет. 2014-жылдын сентябрынан бери “Ансар Аллах” Йемендин борбордук жана түндүк провинцияларынын көбүн, анын ичинде борбор Сананы да көзөмөлдөп турат. 2015-жылдын 26-мартында Сауд Арабия баштаган араб коалициясы Йемендин президентинин өтүнүчү боюнча Йемен армиясына колдоо көрсөтүп, бул аймактарды топтун көзөмөлүнөн кайтарып алуу үчүн аскердик операция баштаган, бирок аны ушул убакка чейин ишке ашыра алган эмес.