10-апрелден тарта Кытай АКШдан импорттолгон товарларга кошумча 34% бажы салыгын киргизет.
Мындай чечим Дональд Трамптын администрациясы мурда жарыяланган ушуга окшош чараларга жооп катары кабыл алынды. Мурда белгиленген чектөөлөрдү эске алганда, Кытайдын АКШга импортунун жалпы көлөмү 54%га жетиши мүмкүн.
Кытайдын Мамлекеттик кеңешинин тарифтик комиссиясы расмий билдирүүсүндө Вашингтондун аракеттери эл аралык сооданын принциптерин бузуп, Кытайдын экономикалык кызыкчылыктарына зыян келтирип, “бир тараптуу кысым көрсөтүүнүн үлгүсү” экенин баса белгиледи. Пекин АКШдан чектөөлөрдү токтоосуз алып салууну талап кылды жана талашты “өз ара урматтоо жана теңчиликтин негизинде” сүйлөшүү жолу менен чечүүнү сунуштады.
Кытай ошондой эле АКШны дүйнөлүк соода эрежелерин туруксуздаштырууда деп айыптап, Дүйнөлүк соода уюмуна (ДСУ) расмий арыз менен кайрылган. Пекин диалог аркылуу да, ДСУнун механизмдерин колдонуу менен да өз укуктарын коргоого даяр экенин билдирди.
Сүрөт: Ачык булактар