Кытайдын Жарандык авиация башкармалыгы өлкөнүн тарыхында биринчи жолу учкучсуз учуучу таксилерди колдонууга уруксат берди. Бул тууралуу South China Morning Post жазат.
Бул жаңычылдык аба транспортунда жаңы доорду ачышы мүмкүн.
Лицензия бир эле учурда EHang Holdings жана Hefei Hey Airlines аттуу эки компанияга берилген. Эми алар учкучсуз учуучу аппараттарды коммерциялык жүргүнчүлөрдү тейлөө, анын ичинде шаарга экскурсия уюштуруу үчүн колдоно алышат.
Бул кадам Кытайдын коммерциялык учуучу такси тармагынын тез өнүгүшүнө салым кошо алат.
https://www.youtube.com/embed/B7TIP827VFg
Жактырылган модель EH216-S эки жүргүнчүнү ташууга жөндөмдүү учкучсуз учуучу аппарат болуп саналат. Максималдуу ылдамдыгы саатына 130 км, учуу аралыгы 35 километр. Бул аппарат коммерциялык колдонуу үчүн бардык техникалык жана коопсуздук стандарттарына жооп берет.