КЭДР Мамлекеттик иштеринин төрагасы Ким Чен Ын зениттик ракеталардын эки жаңы модификациясынын техникалык өзгөчөлүктөрүн текшерүү сыноосуна катышты. Бул тууралуу Кореянын Борбордук телеграф агенттиги (ЦТАК) билдирди.
«Сыноо жаңы зениттик ракета системалары ар кандай аба максаттарына, анын ичинде сокку уруучу учкучсуз аппараттарга жана канаттуу ракеталарга каршы мыкты согуштук мүмкүнчүлүктөргө ээ экенин көрсөттү», – деп маалымдады агенттик. ЦТАКтын маалыматына караганда, бул ракеталарда аба буталарына каршы күрөшүүгө шарт түзгөн өзгөчө улуттук технологиялар колдонулган.
Агенттиктин билдиришинче, сыноо учурунда жасалган учуруулар ракеталардын технологиялык өзгөчөлүктөрү аба буталарына каршы ийгиликтүү күрөшүүгө мүмкүндүк берерин ырастаган. Ким Чен Ын коргонуу тармагы боюнча изилдөөлөр менен алектенген окумуштууларга «маанилүү тапшырмаларды» койгон.
19-августта КЭДР лидери Ким Чен Ын Түштүк Корея менен АКШнын Ulchi Freedom Shield биргелешкен машыгууларын айыптап, аларды элдик республикага карата душмандык ниеттин көрүнүшү деп атаган.