Орусияда депортацияланууга тийиш болгон мигранттарга мамлекеттик көзөмөлдүн алкагында полиция кызматкерлери мындай чет элдик жарандардын турак жайларына жана башка жашаган жерлерине баруу мүмкүнчүлүгүнө ээ болушат.
ТАСС кабарлагандай, тиешелүү нормалар 5-марттан тарта күчүнө кире турган мыйзамда бекитилген.
Ошондой эле, милиция Орусия Федерациясынын мамлекеттик органдарынан жана чет мамлекеттердин бийлик органдарынан мамлекеттик контролду жүзөгө ашыруу үчүн зарыл болгон маалыматтарды жана документтерди, анын ичинде коммерциялык, банктык, салыктык жана мыйзам менен корголуучу башка сырды түзгөн маалыматтарды сурай алат. Чет өлкөлүк жарандын банктык эсептеринин бар экендиги жана номерлери жөнүндө, мындай эсептердеги акча каражаттарынын кыймылы жөнүндө маалыматтарды банктардан алууга укугу болот.
Орусияда Airbus учагы конуу учурунда учуп-конуу тилкесинен чыгып кетти
5-марттан тарта Ички иштер министрлигинин кызматкерлери да чет элдик жарандарды бул режимде, анын ичинде техникалык каражаттарды колдонуу менен көзөмөлдөй алышат. Бул норма ошондой эле мындай чет өлкөлүктөргө “Орусия Федерациясынын аймагында жүрүүгө жардам” көрсөткөн жеке жана юридикалык жактарга да тиешелүү. Милиция мобилдик түзүлүштөрдөн жана геолокациядан, жүзүн таануу системасында иштеген төлөм системаларынан алынган маалыматтарды колдонуу укугуна ээ болот.