Акыркы күндөрү Газанын түштүк бөлүгүндөгү Тель-ас-Султан районунда кырдаал кескин түрдө курчуп кетти. Сионисттик күчтөр бул аймакты толук курчоого алып, инфраструктураны жок кылуу жана коопсуздук зонасын кеңейтүү ниети бар экенин билдиришти.
Мындай аракеттердин натыйжасында миңдеген палестиналыктар катуу аткылоолордун астында калышып, жай тургундар арасында көптөгөн курмандыктарга алып келди.
Рафахтагы гуманитардык абалдын начарлашы
Газанын түштүк бөлүгүндө жайгашкан Рафах шаары азыр оор гуманитардык кризиске туш болуп турат.
Газанын Саламаттыкты сактоо министрлигинин талаа оорукаларынын директору Марван аль-Хамс абал өтө оор экенин айтып, медициналык кызматкерлер чабуулдардын түздөн-түз бутасына айланып жатканын, ал эми куткаруучулардын иши тоскоолдуктарга учурап жатканын баса белгиледи.
Палестинанын Кызыл Жарым Ай коомунун төрт тез жардам унаасы Рафахка жөнөтүлгөн, бирок алар менен байланыш үзүлгөн.
Медициналык мекемелерге жана кызматкерлерге кол салуулар
Рафахтагы оорукана жана медициналык борборлор аткылоолордун бутасына айланып, натыйжада оорукана жана жардам көрсөтүү борборлору кыйроого учурады.
Бул болсо жаракат алгандар үчүн медициналык жардамдын жеткиликсиз болушуна алып келүүдө, гумжардам кризисин ого бетер күчөөдө. Журналисттердин маалыматы боюнча, Газадагы үч оорукана Израилдин аскердик күчтөрү тарабынан курчоого алынган, бул дарыгерлердин ишине жана жарадарларга жардам көрсөтүүгө тоскоол болууда.
Эл аралык реакция жана гуманитардык жардам
Эл аралык уюмдар Газанын азыркы оор кырдаалына тынчсыздануусун билдиришти.
“Чек арасыз дарыгерлер” уюму санитардык шарттардын начарлашы жана азык-түлүктүн жетишсиздиги ооруларга алып келип, миңдеген “тынч өлүмдөргө” себеп болушу мүмкүн экенин эскертти.
Тель-ас-Султан жана Рафах аймактарындагы жаңжалдын күчөшү жай тургундар үчүн оор гуманитардык кесепеттерди жаратууда.
Эл аралык коомчулук тез арада чара көрүп, жай тургундардын коопсуздугун камсыз кылуу жана жабыркагандарга зарыл жардам көрсөтүү үчүн аракеттерди күчөтүшү керек.