Сирия армиясы жайкын тургундардын өмүрүн сактап калуу үчүн өз күчтөрүн Хама шаарынын сыртына кайра жайгаштырды.
Бул тууралуу Сириянын коргоо министри Али Махмуд Аббас Араб Республикасынын жарандарына расмий кайрылуусунда билдирди, анын сөзүн SANA агенттиги келтирди.
Буга чейин бир катар ЖМКлар террордук топтор Хама шаарына бир нече багыттан чабуул коюп, кирип барышканын, Сириянын армиясы шаардан чегингенин маалымдашкан.
«Биз согуш талаасында жакшы позициядабыз, биздин куралдуу күчтөр адамдардын өмүрүн сактап калуу үчүн кайрадан жайгаштырылды», – деди ал.
Анын айтымында, армия жай тургундардын өмүрүн сактап калуу үчүн өз күчтөрүн Хама шаарынын сыртында кайрадан топтоштурган.
Хама Сириянын борборунда жайгашкан жана 2011-жылдын жазында башталган жаңжал учурунда Сирия армиясынын көзөмөлүндө болгон. Хама стратегиялык мааниге ээ, ал Хомс жана Дамаск провинцияларынын ортосунда жайгашкан, ошондой эле тоо кыркалары аркылуу Латакия провинциясы менен чектешет.
Сириянын Коргоо министри террорчулар массалык маалымат каражаттарында түзүлгөн кырдаалдан пайдаланып, Сириянын эли менен куралдуу күчтөрүнүн арасында жалган маалымат таратуу кампаниясын жүргүзүп жатканын эскертти.
«Бул уюмдар Куралдуу Күчтөрдүн башкы командачылыгынын атынан жалган билдирүүлөрдү же буйруктарды, ошондой эле жасалма интеллект технологияларын колдонуу менен түзүлгөн аудио жазууларды же видеотасмаларды жарыялоого барышы мүмкүн», – деп белгиледи Махмуд Аббас.
Буга байланыштуу Коргоо министрлигинин башчысы Сириядагы карапайым калкты жана аскер кызматкерлерин бул адаштыруучу кампаниянын кооптуулугун билип, ага ишенбөөгө жана расмий улуттук каналдар аркылуу гана жарыяланган маалыматтаркга ишенүүгө чакырды.
Аббас ошондой эле куралдуу күчтөрдүн кайра жайгаштырылышын “убактылуу тактикалык чара” деп атады.
“Бүгүн Хама шаарында болгон окуя убактылуу тактикалык чара. Биздин күчтөр шаардын четинде калууда жана өлкөнүн конституциясына ылайык улуттук милдетин аткарууга толук даяр”, – деп кошумчалады ал.
Коргоо министрлигинин башчысы Сириянын жарандарын азыркы кырдаалда “сабырдуулукка жана бекем болууга” чакырды.
Сириядагы кырдаалдын курчушу
27-ноябрда “Хаят Тахрир аш-Шамга” террордук уюмуна таандык топтор деэскалация келишимин бузуп, Сириянын Алеппо жана Идлиб провинцияларына чабуул коюшкан. Алар кеңири фронтто калктуу пункттарга жана аскердик позицияларга чабуул жасап, 29-ноябрда кеңири масштабдагы операцияга киришкен. Бир күндөн кийин, 30-ноябрда Алеппо жана анын айланасы, анын ичинде эл аралык аэропорт жана Кувейрис аскердик аэродрому террорчулардын көзөмөлүнө өткөн. Алеппо алынгандан кийин террордук топтор Мааррат ан-Нуман айылын ээлеп, Хама тарапка жылышкан.
Сирия Армиясы чабуулдун мизин кайтаруу операциясын баштады. Араб Республикасына согушкерлер менен күрөшүүсүнө орус күчтөрү жардам берүүдө.
Акыркы суткада эле Алеппо, Идлиб жана Хама провинцияларында кеминде 300 согушкер жок кылынганын Сириядагы согушуп жаткан тараптарды элдештирүү боюнча Орусиянын борборунун орун басарынын биринчи даражадагы капитаны Олег Игнасюк билдирди.