Трамп президенттик кызматка киришкен биринчи күнү эле АКШнын чек арасын мыйзамсыз иммигранттар үчүн жабууну пландоодо

Америка Кошмо Штаттарынын шайланган президенти Дональд Трамп президенттик кызматка киришкен биринчи күнү АКШнын чек арасын мыйзамсыз мигранттар үчүн жабуу боюнча жарлыктардын пакетине кол коёрун билдирди.

Lenta.Ru жазгандай, саясатчы бул тууралуу Аризонадагы Turning Point USA конференциясында айткан.

“Овалдык кабинетимдеги биринчи күнү мен биздин чек араны мыйзамсыз иммигранттар үчүн жабуу боюнча тарыхый буйруктарга кол коём”,- деди ал.

Белгилей кетүүчү жагдай, Дональд Тармп шайлоо алдындагы эл менен жолугушууларында Америкага мыйзамсыз келген мигранттарды чыгарууну, керек болсо мындай чараларга полициянын күчүн колдоно тургандыгын айтып, убада берген. Расмий эмес маалыматтар боюнча, АКШда 11 млн.го жакын мыйзамсыз мигранттар бар. Алар негизинен Мексика аркылуу чек арадан өтүп кетишкен.