Forbes Advisor рейтингине ылайык, Венесуэла, Пакистан жана Мьянма шаарлары 2024-жылы чет элдик саякатчылар үчүн эң кооптуу багыт катары таанылды.

Изилдөөдө рейтингди түзүү үчүн кылмыштуулук, жеке коопсуздук, саламаттыкты сактоо, инфраструктура, табигый кырсыктар жана санариптик коопсуздук сыяктуу факторлор эске алынган.

Туристтер үчүн жалпы коркунучун көрсөтүү үчүн шаарлар 100 шкала боюнча бааланган.

Изилдөөгө ылайык, саякатчылар үчүн эң кооптуу шаар Венесуэланын борбору Каракас. Бул 100 коркунуч деңгээлин алган жалгыз шаар. Улуу Британиянын Тышкы иштер, Шериктештик жана Өнүктүрүү Бюросу (FCDO) Венесуэланын айрым аймактарына бардык саякаттоо үчүн барбай турууну сунуштайт.

Тизмедеги кийинки шаар Карачи (Пакистан) болду. Аймактагы террордук коркунучтан улам туристтер үчүн эң кооптуу экинчи шаар катары орун алган.

Үчүнчү орунду Мьянманын Янгон шаары ээледи. Бул шаар 91,67 упай алып, өздүк маалыматын уурдоо, табигый кырсыктар жана саламаттыкты сактоо кызматтарынын сапаты начар экенин көрсөткөн.

Ошол эле учурда Сингапур саякатчылар үчүн эң коопсуз шаар деп табылган. Өлкө табигый кырсыктардын аз тобокелдиги, ден соолук коопсуздугу жана инфраструктуралык коркунучтар үчүн 0 балл алды.

Экинчи эң коопсуз шаар Токио (Япония), үчүнчү орунду Канаданын Торонто шаары ээледи. Эки шаар тең 15 баллга ээ болду.

Туристтер үчүн эң кооптуу 10 шаардын рейтинги:

1. Каракас, Венесуэла – 100 балл;

2. Карачи, Пакистан – 93,12 балл;

3. Янгон, Мьянма – 91,67 балл;

4. Лагос, Нигерия – 91,54 балл;

5. Манила, Филиппин – 91,49 балл;

6. Дакка, Бангладеш – 89,5 балл;

7. Богота, Колумбия – 86,7 балл;

8. Каир, Египет – 83,44 балл;

9. Мехико шаары, Мексика – 82,43 балл;

10. Кито, Эквадор – 82,02 балл.