Израиль ливандык “Хезболла” кыймылы менен жаңжалдаша турган болсо, Иран жана “каршылык огуна” кирген мамлекеттер кыймылды колдойт. Бул тууралуу Иран Ислам Республикасынын жогорку лидеринин кеңешчиси Камаль Харрази Financial Times гезитине берген маегинде айтканын IRNA агенттиги жазды. Харразинин айтымында, эгер Израиль “Хезболлага” каршы кеңири масштабдагы чабуул баштаса, аймактык чатак тутанышы мүмкүн. “Ливандыктардын баары, араб өлкөлөрү жана “каршылык огунун” мүчөлөрү Израилге каршы жаңжалда Ливанды колдойт. Согуш жалпы аймакка жайылып, ага башка мамлекеттер, анын ичинде Иран да тартылышы мүмкүн….

Дүйнөгө белгилүү америкалык актер Стивен Сигал Кыргызстанга келди. Бул тууралуу президенттин басма сөз катчысы Аскат Алагөзов социалдык тармактагы баракчасына жазды. Ал белгилегендей, актер президент Садыр Жапаров менен Ысык-Көлдүн жээгинде учурашып, кыскача баарлашты. Стивен Сигал – америкалык актер, продюсер, сценарист, кинорежиссер, музыкант жана Айкидо чебери (7-дан). 2016-жылы Орусиянын жарандыгын алган. Кийинчерээк ал “Адилеттүү Орусия – Чындык үчүн” партиясына кошулуп, Россиянын Тышкы иштер министрлигинин Россия менен АКШнын ортосундагы гуманитардык мамилелер боюнча атайын өкүлү болгон (2018-жылдан бери).

НАТОго мүчө  өлкөлөр Дональд Трамп алдыдагы АКШдагы президенттик шайлоодо жеңишке жеткен учурда Украинага узак мөөнөттүү колдоо көрсөтүү үчүн бир катар чараларды даярдашты, деп жазат The Wall Street Journal (WSJ) америкалык жана европалык расмий өкүлдөргө шилтеме жасап. Жаңы чаралар Украинага аскерий жардам көрсөтүүгө АКШ эмес, НАТО жооптуу болот деп болжолдойт. Тактап айтканда, альянс Киевге аскердик жүктөрдү координациялоо үчүн жооптуу болгон жогорку даражалуу жарандык чиновникти жиберүүнү пландоодо. “АКШ бул аракеттерге болгон колдоосун азайтса же токтотсо дагы, алар…