Талибдер шахматты «харам» деп атап, аны ойноого тыюу салышты

Афганистандагы убактылуу «Талибан» өкмөтү шахмат оюнун «диний себептерден улам» белгисиз мөөнөткө тыюу салды. Бул тууралуу Khaama Press басылмасына таянып, Asia-Plus кабарлады.

Министрлик – «Жакшылыкты жайылтуу жана жамандыктан тыюу салуу» боюнча ведомство – шахматты «харам» (исламда тыюу салынган иш) деп атады жана Афганстандын шахмат федерациясын таратуу буйругун берди.

Ресми тастыктама

Афганстандын спорт министрлигинин өкүлдөрү 11-майда шахмат оюнуна чыныгы тыюу салынганын ырасташты. Министрликтин билдирүүсүндө, «диний маселелерге ылайыктуу жооп табылмайынча» бул спорттун түрүнө байланыштуу эч кандай иш-чара өткөрүлбөйт.

Башка кандай тыюулар киргизилди?

Бул чечим Афганистанда талибдердин укуктарга жана эркиндиктерге карата чектөөлөрүнүн дагы бир мисалы болуп калды. Төмөндө башка тыюу салынган тармактардын кыскача тизмеси:

Спорт:

ММА (аралаш мушташ өнөрү) — ислам окуусуна туура келбейт деген жүйө менен тыюу салынган;
Аялдарга ар кандай спорт менен алектенүүгө толук тыюу салынган;

Маданият жана маалымат каражаттары:

Кинотеатрлар жабылган;
Музыкалык аспаптарда ойноо жана музыка угууга тыюу салынган;
Фото жана видеого тартууга тыюу салынган;
Адамдардын сүрөттөрүн жана видеолорун ЖМКларда көрсөтүү — жараксыз деп табылган;

Технология жана интернет:

Кээ бир социалдык тармактарга кирүүгө чектөө киргизилген;

Аялдардын укуктары:

Аялдардын билим алуусу чектелген: орто жана жогорку билим, анын ичинде медицина окуу жайлары жабылган;
Аялдар телеалпаруучу, мугалим, мамлекеттик кызматкер боло албайт;
Аялдар спортко, сейил бактарга барууга, коомдук жайларда бетин ачып жүрүүгө тыюу салынган;
Бурка кийүү милдеттүү;
Аялдарга жалгыз көчөгө чыгууга же коомдук транспортто жүрүүгө тыюу салынган;
Аялдар сот процесстерине катышууга укуксуз.