Bloomberg Маскты дүйнөдөгү эң бай адамдын ордунан түшүрүп, жаңы лидерди атады

Oracle компаниясынын негиздөөчүлөрүнүн бири Ларри Эллисон Bloomberg агенттигинин миллиардерлер рейтингинде биринчи орунга чыгып, Tesla жана SpaceX компанияларынын негиздөөчүсү Илон Маскты артта калтырды.

Эллисондун байлыгы $393 млрд деп бааланса, Масктын байлыгы $385 млрд түздү. Эллисондун капиталы бир күндө $101 млрдга өсүп, бул Bloomberg рейтингин жүргүзүү тарыхындагы эң чоң бир күндүк өсүш болуп калды.

Маск дээрлик бир жыл бою рейтингде биринчи орунда турган. Ал бул орунду алгач 2021-жылы ээлеген, бирок кийин Amazonдун негиздөөчүсү Жефф Безос жана LVMH башчысы Бернар Арно менен кезектешип турган. Азыр Безос төртүнчү, Арно сегизинчи орунда.

Июль айынан бери Эллисон экинчи орунда турган, Metaнын башчысы Марк Цукербергди артта калтырган.

Forbes да Эллисондун байлыгынын өсүшүн белгилеп, аны $395 млрд деп бааласа, Маск бул журналдын рейтингинде дагы эле биринчи орунда турат – $437 млрд менен.

Эллисондун байлыгынын өсүшүнө Oracle акцияларынын баасынын кескин өсүшү себеп болду. Компаниянын 2026-финансылык жылынын биринчи чейреги боюнча отчетунан кийин акциялар 45% кымбаттап, 9-сентябрда тарыхый рекорд койду жана дагы 41% өстү.

Oracle компаниясынын бул ийгилиги жасалма интеллект тармагындагы чоң инвестициялар жана бул үчүн керектүү булут инфратүзүмүн өнүктүрүү менен түшүндүрүлөт. Компаниянын булут кызматтарынан түшкөн кирешеси 28% өсүп, $7,2 млрдга жетти, булут инфратүзүмүнөн түшкөн киреше 55% көбөйүп, $3,3 млрд түздү. Oracle’дун милдеттенмелер портфели 359% көбөйүп, $455 млрдга жетти, анын ичинде ChatGPT иштеп чыгуучу OpenAI менен 4,5 ГВт кубаттуулуктагы дата-борборлорду куруу боюнча келишим да бар. Ошондой эле компания АКШ президенти Дональд Трамп январда жарыялаган ЖИ үчүн Stargate инфратүзүмүн түзүү долбоорунун катышуучусу болуп саналат. Эллисон өзү республикачыларды колдойт.

2025-жылдын сентябрына карата Bloomberg Billionaires Index боюнча эң бай адамдардын кыскача тизмеси (доллар менен):