Brent мунайынын бир баррелинин дүйнөлүк баасы 2014-жылдын июлунан бери биринчи жолу 110 доллардан ашты.
Бул тууралуу чет элдик маалымат каражаттары кабарлашты.
Маалыматка караганда, Москва убактысы боюнча саат 07:55ке карата Brent мунайынын баасы 111 долларга чейин көтөрүлүп кеткен.
Мындай кырдаалга, биринчи кезекте, санкциялардан жана энергетикалык компаниялардын Орусиядан чыгуусунан улам камсыз кылуунун үзгүлтүккө учуроо коркунучунун жогорулашы таасир этүүдө.
Мындай маалымат буга чейин BP, Shell, Equinor, OMV жана Exxon Mobil компаниялары тарабынан жарыяланган.
Белгилей кетсек, эл аралык эксперттер Орусия менен Украинанын ортосунда жүрүп жаткан салгылашуу дүйнөлүк экономикага таасирин тийгизерин баса белгилешүүдө.