Германиядагы экономикалык көйгөйлөр Украинадагы жаңжалды жөнгө салуу маселесин Бундестагдагы (Германия парламенти) шайлоо өнөктүгүнүн күн тартибинен убактылуу чыгарып салды.

Бул тууралуу швейцариялык Le Temps гезитинин материалында айтылат.

«Алты ай мурун Европарламентке шайлоо учурунда Германиядагы негизги саясий партиялар үгүт иштерин негизги темага – Украинадагы согушка бурушту. Эми 23-февралдагы кезексиз парламенттик шайлоого эки ай калганда бул маселе экинчи планга өтүп, экономикалык кризиске орун бошотту», – деп жазат басылма.

Гезит жума сайын Германиянын эң ири BASF, Ford, ThyssenKrupp жана Bosch концерндеринде дагы бир реструктуризациялоо тууралуу кабар келип жатканын эске салат. Германиядагы негизги саясий партиялар экономикалык кризисти чечүү үчүн ар кандай ыкмаларды сунуштап жатканы жана «энергиянын кымбаттыгы өлкөнүн негизги көйгөйү бойдон калууда»,- деп белгиленген.