Палестиналык ХАМАС кыймылынын Саясий бюросунун башчысы Исмаил Ханиянын сөөгү 2-августта Катардын борбору Доханын түндүгүндөгү Лусаил шаарындагы көрүстөнгө коюлду. Маркумду жерге берүү аземине расмий өкүлдөр, Катардын королдук үй-бүлө мүчөлөрү анын ичинде Катардын эмири шейх Тамим бин Хамад ал-Тани жана Ханиянын өз үй-бүлө мүчөлөрү катышты. Коштошуу зыйнатына катышуу үчүн Катарга Ирандын биринчи вице-президенти Мохаммад Реза Ареф жана Түркиянын тышкы иштер министри Хакан Фидан, ХАМАСтын чет өлкөдөгү бардык жетекчилиги келген. Анын ичинде кыймылдын Саясий бюросунун башчысынын милдетин аткаруучу деп аталган Халед Машал да бар. 1 of 9…

Министрлер Кабинетинин төраганын орун басары – Суу ресурстары, айыл чарба жана кайра иштетүү өнөр жайы министри Бакыт Төрөбаев Ирандын Тегеран шаарына болгон жумуш сапарынын алкагында Жол жана шаарды өнүктүрүү министрлигинин алдындагы Деңиз порттору жана кемечилик уюмунун жетекчиси, ошондой эле Деңиз өнөр жайынын Жогорку Кеңешинин төрагасы менен жолукту. Министрлер кабинети 31-июлда тараткан маалыматка караганда, жолугушуунун жүрүшүндө эки өлкөнүн ортосундагы транзиттик-транспорттук кызматташтыкты өнүктүрүү, ошондой эле Ирандын деңиз портторунун аймагында соода-логистикалык борборун түзүү маселелери талкууланды. “Кыргызстан деңизге чыга албаган өлкө…