Тажик бийлиги 2025-жылга карата мамлекеттик бюджетке коргонуу, укук коргоо органдарын жана сотторду каржылоого 4,7 миллиард сомони (446 миллион доллар) бөлүүнү пландоодо. Бул сумма бекитилсе, бюджетинин чыгаша бөлүгү 2024-жылга караганда 972,4 миллион сомониге (92 миллион доллар) көп болот. Каржы министрлигинин документинде 2025-жылы Тажикстандын армияга жана укук коргоо органдарына жумшаган чыгымы ички дүң өнүмдүн (ИДӨ) 2,8 пайызын түзөрүн көрсөткөн. 2024-жылы Тажикстандын бул максаттарга жумшаган чыгымы өлкөнүн ИДӨсүнүн 2,6 пайызын же 3,7 миллиард сомонини (354 миллион доллар) түзгөн.

Республикалык партиядан АКШнын президенттигине талапкер Дональд Трамп Демократиялык партиянын талапкери, учурдагы вице-президент Камала Харрис менен шайлоо алдындагы кезектеги дебатка катышуудан баш тартты. “Үчүнчү дебат болбойт!” — деп жазды экс-президент өзүнүн Truth Social социалдык тармагына. Трамп-Харрис теледебаты ушул аптада Филадельфияда өткөн. Батыш маалымат каражаттары Харрис талаш-тартыштарды башынан эле көзөмөлдөп, атаандашын коргонууга коюп, социалдык тармактарга тараган бир катар жалган билдирүүлөргө түрткөнүн белгилешти. CNN сурамжылоочулары жана көптөгөн саясий серепчилер демократты жеңүүчү деп ойлошкон. “Мушкер мушташта жеңилип калганда, анын айткан биринчи сөзү: “Мен…