Австриянын Германия менен чектеш Кирхберг об-дер-Донау шаарында куралчан адам изделүүдө. Bild басылмасынын маалыматына караганда, мергенчи шаардын мэри Франц Хоферди, андан соң аңчылык менен байланышы бар дагы бир адамды атып өлтүргөн. Жергиликтүү полициянын маалыматы боюнча, бул ишке шектүү катары ушул шаардын 56 жаштагы тургуну Роланд Дрекслер эсептелет. Австриялык басылмалар киши өлтүрүүгө аңчылык укугуна байланыштуу чыр-чатактар ​​себеп болушу мүмкүн деп жазышууда. Кырдаалдын курчушуна байланыштуу полиция айрым жергиликтүү аткаминерлерди коргоого алды. Кирхбергдин жашоочулары өз кезегинде дүрбөлөңгө түшүп, үйлөрүн…

Ливандык “Хезболла” кыймылынын жаңы лидери болуп Наим Касем шайланды. Кыймылдын билдирүүсүндө “Хезболланын” башкы башкаруу органы болгон Шура кеңеши кыймылдын жаңы баш катчысы кылып шейх Наим Касемди шайлаганы белгиленет. “Биз “Хезболланын” максаттарына жетүү үчүн биргелешип аракеттенүүгө жана жеңишке жеткенге чейин каршылыктын жалынын жаркыратып жана анын желегин көтөрүүгө убада беребиз”, – деп айтылат документте. Буга чейин Касем “Хезболланын” башкы катчысынын биринчи орун басары болуп иштеген. Ал кыймылдын көптөн берки лидери болгон Хасан Насрулланын ордуна келди. Насрулла 27-сентябрда…

Израил парламенти (Кнессет) БУУнун палестиналык качкындарга жардам көрсөтүү агенттигинин (БАПОР) Израилдин аймагындагы ишмердүүлүгүнө тыюу салган эки мыйзам долбоорун кабыл алды. Бул тууралуу The Times of Israel басылмасы жазып чыкты. “UNRWA Израил мамлекетинин эгемендүү аймагында эч кандай миссияларды аткарбайт жана эч кандай кызмат көрсөтпөйт”, – деп айтылат биринчи мыйзам долбоорунда. Экинчи мыйзам долбоору БАПОРго берилген преференцияларды, анын ичинде салык жеңилдиктерин жана дипломатиялык статустарды алып салат жана бийликтерден агенттик менен болгон иш мамилелерин токтотууну талап кылат. Эки…

Израилдин чабуулунан кийин Иран коргоо министрлигин каржылоону көбөйтүүнү пландоодо. Бул тууралуу Reuters агенттиги Иран өкмөтүнө шилтеме берүү менен билдирди. Иран өкмөтүнүн спикери Фатема Мохажерани Израилдин Ислам Республикасынын аскерий инфраструктурасына жасаган чабуулуна жооп катары Тегеран аскердик министрликтин бюджетин былтыркыга салыштырмалуу 200% (б.а. үч эсе) көбөйтүүнү чечкенин жарыялады. Стокгольм тынчтыкты изилдөө институтунун (SIPRI) маалыматы боюнча, Ирандын аскердик бюджети 2024-жылы 16,4 миллиард долларды түзүп, 2023-жылга салыштырмалуу 20% өскөн. Салыштыруу үчүн, ушул эле институттун маалыматы боюнча, 2021-жылы Ирандын аскердик…

Ирадын Тышкы иштер министри (ТИМ) Аббас Аракчи Улуу Британиянын Тышкы иштер министри Дэвид Лэмми менен телефондон сүйлөшүүсүндө Израилди курал-жарак жана саясий жактан колдоону токтотууга чакырды. Тараптар сүйлөшүү учурунда аймактагы акыркы абалдарды талкуулашты. Аракчи Ирандын бир катар аскердик жана коргонуу борборлоруна каршы жасалган израилдик режимдин агрессивдүү аракеттерине карата Ирандын позициясын түшүндүрүп жатып, Ислам Республикасы өзүнүн аймактык бүтүндүгүн жана улуттук эгемендүүлүгүн эл аралык укуктун жана Бириккен Улуттар Уюмунун кабыл алынган принциптерине ылайык коргоо боюнча өзүнө таандык жана мыйзамдуу укугун ишке ашыруудан…

“Хезболла”  Израилдин аскерлери менен ийгиликтүү беттешип, Ливандын түштүгүндө беш фронтто адам күчү жана техникасы жагынан аларга чоң жоготууларды алып келүүдө. Бул тууралуу ТАСС агенттигинин Telegram каналында жайгаштырылган түзүмдүн коммюникесинде айтылат. Анда 1-октябрдан бери кагылышуулардын жүрүшүндө каршылык көрсөтүү күчтөрү Израилдин 90дон ашык солдаты менен офицерин өлтүргөндүгү, дагы 750 адам жарадар болгондугу белгиленген. Мындан тышкары 38 Меркава танкы, 4 бульдозер, 4 бронетранспортер жана БТР башкарылуучу ракеталар менен атылып, 3 Hermez 450 жана 1 Hermez 900 учкучсуз учак…