“Талибан” кыймылынын делегациясы Орусиянын борбор шаары Москвага барды. Бул жерде Ооганстан боюнча Москва форматындагы сүйлөшүүлөр болорун РИА Новости билдирди.
Талиптер ошондой эле эки тараптуу жолугушууларды өткөрүшөт.
Негизги тема боюнча консультацияларга жана форумга региондун он өлкөсүнүн делегаттары, Орусиянын тышкы иштер министри Сергей Лавров жана ооган өкмөтүнүн башчысынын орун басары Абдул Салам Ханафи катышат.
Жыйындын алкагында бийлик алмашкандан кийинки республиканын аскердик-саясий абалы, гуманитардык жардам жана инклюзивдүү министрлер кабинетинин түзүлүшү негизги маселе болмокчу.
Сентябрдын башында талиптер жаңы өкмөттүн курамын жарыялаганына карабастан, көптөгөн өлкөлөр алардын берген убадасына карабастан ооган бийлиги өлкөдөгү бардык этникалык көпчүлүктүн жана саясий күчтөрдүн жүзү катары эсептелбей турганын билдиришкен.
Буга чейин Ирандын тышкы иштер министрлигинин расмий өкүлү Саид Хатибзаде 27-октябрда Ирандын борбор шаары Тегеранда Ооганстандын коңшу өлкөлөрүнүн ТИМ жетекчилеринин деңгээлиндеги жолугушуусу өтөрүн билдирген.
Эске салсак, “Талибан” кыймылы 15-август күнү Ооганстанды толугу менен өзүнө каратып, мамлекеттик бийликти колго алган.
