Дүйнө жүзүндөгү 80 аналитикалык борбордун эксперттери АКШ менен Израиль Иранга карата коюлган максаттарына жете албай, ачык ийгиликсиздикке туш болору тууралуу бир пикирге келишти.
Tasnim News Agency билдиргендей, агенттиктин Стратегиялык изилдөөлөр борбору акыркы бир ай ичинде жарыяланган материалдарды талдап чыгып, эксперттер арасында АКШ жана Израиль Иранга каршы согушта акыркы максаттарына жетпейт деген кеңири консенсус бар экенин аныктаган.
Анализ Рамазан айындагы согуштун 5 негизги өзгөчөлүгүн көрсөткөн:
- АКШ жана Израиль курал-жарактагы технологиялык артыкчылыгынын эсебинен аскердик жана «тактикалык» соккуларды жасай алышкан.
- Иран стратегиялык жактан АКШ менен Израилди негизги максаттарына жеткирген эмес. Бул максаттарга: саясий системаны кулатуу, өлкөнүн коргонуу мүмкүнчүлүгүн алсыратуу же жок кылуу, ошондой эле саясий жана социалдык багынып берүү кирет.
- Иран татаал жана жакшы ойлонулган асимметриялык согуштун жардамы менен артыкчылыкка жетишкен. Ошондой эле атаандаштын аскердик жана технологиялык күчүнө сокку уруп, Ормуз кысыгын көзөмөлгө алган. АКШ, Израиль жана алардын союздаштары аны кайра ача алган эмес.
- Бир катар аскердик соккулардан кийин согуш чарчоо согушуна айланган. Бул шартта убакыт Ирандын пайдасына иштеп жатат.
- Согуштан тез чыгуу үчүн АКШ жана анын союздаштары пропагандалык жеңишке жетишиши керек же болбосо андай жеңишсиз эле согушту токтотууга аргасыз болушат.
Изилдөөгө катышкан аналитикалык борборлордун курамы:
АКШ — 22 борбор
Улуу Британия — 8
Европа Биримдиги жана Европа өлкөлөрү — 18
Азия — 9
Канада — 2
Австралия — 3
Латын Америкасы — 1
Африка — 3
Эл аралык уюмдар — 14
Изилденген белгилүү аналитикалык борборлордун катарына Brookings Institution, Carnegie Endowment for International Peace, Chatham House, RAND Corporation, Council on Foreign Relations, International Institute for Strategic Studies жана башка көптөгөн эл аралык изилдөө борборлору кирген.
Бул борборлордун материалдарын талдоо жыйынтыгында, эксперттер арасында Иранга каршы согушта АКШ менен Израиль максаттарына жетпейт деген жалпы көз караш калыптанганы белгиленет.