Бул тууралуу АКШнын Коргоо министрлигинен (Пентагон) жазуу түрүндөгү билдирүү жасалды.
Америка Кошмо Штаттары (АКШ) жана Улуу Британиянын шериктештеринин колдоосу менен Йеменде 8 башка жерде 18 хусит бутасына сокку ургандыгы билдирилди.
Бул тууралуу АКШнын Коргоо министрлигинен (Пентагон) жазуу түрүндөгү билдирүү жасалды.
Йеменде хуситтер көзөмөлдөгөн жер астындагы курал кампалары, учкучсуз учуучу аппарат системалары, абадан коргонуу системалары, радарлар жана тик учактын бутага алынганы белгиленген билдирүүдө, чабуулдардын Кызыл деңизде хуситтердин глобалдык соодага жана бейкүнөө жандарга болгон коркунучун азайтуу максатын көздөгөнү белгиленди.
Билдирүүдө чабуулдардын Австралия, Бахрейн, Канада, Дания, Нидерландия жана Жаңы Зеландиянын колдоосу менен АКШ жана Улуу Британия тарабынан жасалганы белгиленди.
Йеменде 8 башка жерде болгон чабуулдардын хуситтердин 18 бутасына тийгени айтылган билдирүүдө, мунун хуситтердин Кызыл деңизде уланып жаткан кол салууларына жооп катары жасалганы айтылды.
Хуситтер болсо АКШ менен Улуу Британиянын Сана шаары менен кошо 3 шаарга жалпы 22 абадан кол салуу болгонун билдирди.
Хуситтердин SABA маалымат агенттигинин маалыматына караганда, Таиз шаарындагы байланыш линиялары үч жолу бутага алынды.
Хуситтердин көзөмөлүндөгү Сана шаары жана айылы 17 жолу АКШ жана Британиянын абадан чабуулдарына дуушар болду. Түндүк-батыштагы Хаджа шаарындагы фермаларга да эки жолу абадан сокку урулду.
Кабарда кол салуулардан улам каза болгондор жана кыйроолор тууралуу маалымат берилген жок.
Хуситтер ошондой эле Аден булуңунда Американын мунай ташыган танкерин жана Кызыл деңизде бир катар америкалык согуш кемелерин бутага алганын жарыялашты.
Иран колдогон хуситтер да Аден булуңунда бир америкалык мунай танкерин жана Кызыл деңизде бир катар америкалык согуш кемелерин бутага алганын жарыялашты.
Кол салуулар «Палестина элине болгон зулумдукка каршы жана Йеменге каршы америкалык-британиялык агрессияга жооп катары» жасалганы кабарланууда.
Йеменде Иран колдогон хуситтер Израилдин Газадагы кол салууларына реакция катары 2023-жылдын 31-октябрында Йемендин жээктеринде Израилдик фирмаларга байланышы бар деп айткан соода кемелерин басып алып, айрымдарына учкучсуз учуучу аппараттар жана ракеталар менен кол сала башташкан…
АКШ күчтөрү бул мезгилде көп жолу Йеменден атылган ракеталарды жана камикадзе дрондорду атып түшүрүшкөнүн жарыялашты.
