Өлкөдө эгемендүүлүктүн жоктугу эл аралык коопсуздукка да, дүйнөлүк экономикага да зыян келтирет, өлкө социалдык-экономикалык жактан да суверендүү болушу керек, антпесе мамлекет ар дайым кысым астында болуп, анын кызыкчылыктары өз кызыкчылыктарына баш ийдирилет.
Бул тууралуу Россия президенти Владимир Путин Өзбекстанга болгон иш сапарынын жыйынтыгы боюнча журналисттер менен жолугушууда билдирди.
“Борбор Азия аймагына басым жасалганын билебиз, бирок баары дароо чөгөлөп, океандын ары жагынан келген буйруктарды аткарууга даяр боло калгандарды көрө элекмин. Алар, албетте, америкалыктар жана европалыктар – биздин өнөктөштөрүбүзгө зыян келтирүүчү белгилүү бир аракеттерди жасап жатышат. Бирок, акыр-аягында бул да ар бир өлкөнүн суверендүү тандоосу: өз саясатын кантип куруу керек, суверенитет үчүн күрөшүү керекби же жокбу, суверенитеттин белгилүү бир баалуулугу барбы же жокпу. Менин оюмча, баалуулук бар. Анткени мамлекет ийгиликтүү болгусу келсе, социалдык-экономикалык жактан да эгемен болушу керек. Болбосо, дайыма кысым көрсөтүп, башка мамлекеттин кызыкчылыгын өздөрүнүн, чет өлкөлүк кызыкчылыктарга баш ийдирип коюшат… Биз муну көрүп жатабыз, мунун жакшы эч нерсеси жок. Бул эл аралык коопсуздукка да, дүйнөлүк экономикага да зыян келтирет”, – деди Путин.
Акыркы убакта Батыштын жогорку даражалуу саясатчылары Борбор Азия өлкөлөрүнө байма-бай каттай башташты. Алар чөлкөмдөгү өлкөлөрдү Россияга карата киргизилген санкцияларды карманууга чакырган.
