2-июнь күнү кечинде АКШнын армиясы Иран Ислам Республикасына каршы мыйзамсыз жана адамгерчиликсиз деңиз блокадасын ишке ыруу шылтоосу менен эл аралык сууларда мунай ташуучу кемеге кол салды.
АКШнын Борбордук командачылыгы CENTCOMдун билдирүүсүндө Харг аралына бара жаткан Ботсвана желеги астындагы бош мунай ташуучу кеменин машина бөлмөсүнө кол салып, аны токтотконун жарыялады.
Бул агрессияга жооп катары Иран Ислам Республикасы Ормуз кысыгынын жанындагы америкалык-израилдик “Панай” кемесине да ракеталык сокку урду.
Бирок, Америка армиясы ок атышууну токтотуу келишимин дагы бир жолу бузуп, Кешм аралынын түштүгүндөгү аскердик байланыш мунарасына кол салды.
АКШнын бул агрессиясына жооп катары Иран Ислам Республикасы Перс булуңу менен чектешкен өлкөлөрдө душманды токтотуу жана жазалоо үчүн ракеталык жана дрондук операцияларды да жүргүздү.
Бул окуя боюнча Кувейттин Коргоо министрлиги мындай билдирүү таратты: “Биз душмандын ракеталары жана дрондорунун чабуулуна кабылып жатабыз. Абадан коргонуу системалары душмандын буталарына тийди. Жарандар тиешелүү органдардын коопсуздук боюнча кеңештерине кулак салышы керек”.
Араб булактары Кувейттин түштүгүндөгү Аль-Сарра шаарында, ошондой эле АКШнын аскерлери жайгашкан Али Салем аба базасында жарылуулар болгонун жана Арифжан аба базасына да баллистикалык ракета тийгенин билдиришти.
Бир нече мүнөттөн кийин Аль-Жазира Бахрейнде сирена жана абадан коргонуу системалары иштетилгенин билдирди. Чабуулдар Аль-Жифри аба базасына жана АКШнын Аскер-деңиз флотунун Бахрейндеги бешинчи флотунун штаб-квартирасына багытталган.
Такталбаган маалыматтар боюнча, Сауд Арабиясындагы жана Бириккен Араб Эмираттарындагы америкалык аскердик базаларда күчтүү жарылуулар болгон.
Ирактын Sabreen News Agency маалымат агенттиги БАЭнин жээгиндеги суулардагы аскердик кемелерге ракеталар жана дрондор кол салганын билдирди.
Расмий эмес булактар ошондой эле Бириккен Араб Эмираттарындагы Аль-Дафра, Аль-Сафран жана Аль-Минхад сыяктуу америкалык базаларга да сокку урулганын билдиришти.
Бир сааттан кийин CENTCOM өз билдирүүсүндө Перс булуңундагы аскерлерине Ирандын ракеталары жана дрондору кол салганын ырастады.