Түштүк Йемендин өткөөл кеңешинин президентинин сионисттик режим менен мамилелерди жакшыртуу боюнча жакында айткан сөздөрү, БАЭ менен Сауд Аравиясынын Йеменди бөлүп-жаруу боюнча көшөгө артындагы аракеттерин көрсөттү.
Mehr News агенттигинин маалыматына ылайык, Йеменде, айрыкча өлкөнүн түштүгүндө окуялар канчалык өрчүгөн сайын, ал сионисттик режимдин жана анын куралы болгон БАЭнин бул өлкөдөгү издерин ошончолук ачыктап турат.
Белгилей кетсек, бир нече күн мурун Түштүк Йемендин Өткөөл кеңешинин башчысы Ид аль-Зубайди Орусияга сапар тарткан. Сапар учурунда ал талаштуу сөздөрдү айтты. Буга чейин Түштүк Йемендин Өткөөл кеңешинин бир катар башка кызматкерлери да ар кандай билдирүүлөрдү жасашкан.
Аль-Зубайди эгер Йемендин түштүгү көзкарандысыздыкка жетишсе, сионисттик режим менен мамилелерди жөнгө салуу маселеси мүмкүн болот деп билдирди. Ал, бул сөзү менен айрым араб өлкөлөрү менен сионисттик режимдин ортосундагы мамилелерди жөнгө салуу жараянын кубаттады.
Албетте, Йемендин айрым түштүк провинциялары өлкөнүн түндүгүнөн бөлүнүп, көзкарандысыздыкка жетүүнү көздөп жатканы чын, бирок алар бул максатка жетүү үчүн Палестина маселесинен эч качан баш тартышпайт.
Йемендин айрым түштүк провинциялары өлкөнүн түндүгүнөн бөлүнүп, көзкарандысыздыкка жетүүнү көздөп жатканы чын, бирок алар бул максатка жетүү үчүн Палестина маселесинен эч качан баш тартышпайт.
Ал эми, Бириккен Араб Эмираттарынын Йеменди Түштүк Өткөөл Кеңешинин жалданма аскерлери аркылуу Йемендин газ жана мунай ресурстарына кол салып, өлкөнү чачыранды кылгандан тышкары, сионисттик кожоюндарына жаңы кызмат кылууга аракет кылууда.
Ошондуктан, Йемендин түштүгү менен сионисттик режимдин ортосундагы мамилелерди жакшыртуу Тель-Авив үчүн абдан маанилүү, анткени ушундай жол менен бул режим Йеменде өзүнө күчтүү база түзүп, Йемендин каршылык күчтөрүн күчтөндүрө алат.
Кандай болгон күндө дагы, Йемендеги Сауд жана Эмират ишмерлери ар кандай шылтоолор менен сионисттик режим менен мамилелерди жөнгө салуу аракетин канчалык жасабасын, Йемен эли түндүктө дагы, Палестина маселесин колдоону да эч качан токтотпойт деп айтса болот.
