Франциянын президенти Эммануэль Макрон президенттик шайлоо өнөктүгүнүн алкагында Дром департаментине барганда белгисиз адам жаакка чапты.
Бул окуя видего түшүп калып, социалдык тармактарда жайылып, коомчулуктун талкуусуна алынганын BFMTV каналы билдирди.
Кадрларда мамлекет башчы жарандар турган тосмолорго кандайча жакындагандыгы жана ушул учурда бир адам саясатчынын бетине чапканы көрсөтүлөт.
Окуяда белгисиз адамды президенттен коргоо үчүн коопсуздук кызматкерлери тез арада кийлигишишти. Алар кол көтөргөн адамдын колун кайрып, токтотушкан.
Телеканалдын билдирүүсүндө, окуядан кийин эки адам кармалган.
