Израилдин ири гезиттери өлкөдөгү соттук реформага каршылык иретинде башкы беттерин кара түскө боёп, “Израиль демократиясы үчүн аза күтүү күнү” деген жазуулар менен чыкты. 24-июль күнү кечинде Израилдин парламенти – Кнессет өлкөдө жапырт нааразылык жараткан сот реформасына байланыштуу биринчи мыйзам долбоорун жактырган. Ал Жогорку Соттун өкмөт чыгарган чечимдерди жокко чыгаруу укугун чектейт. Израиль мамлекетинин 75 жылдыгына арналган иш-чараларга катышуу үчүн Германияга барган Жогорку соттун төрагасы Эстер Хают баштаган судьялар аталган мыйзамга каршы жазылган доо арыздарды кароо…

Палестинанын Саламаттыкты сактоо министрлиги ушул жылдын башынан бери 180 палестиналык сионисттер тарабынан шейит болгонун жарыялады.  Fars агенттигинин маалыматына ылайык, Палестинанын Саламаттыкты сактоо министрлиги (Палестинанын автономиясына караштуу) бүгүн (шаршемби) ушул жылдын башынан бери (2023-жылы) 180 палестиналык шейит болуп, 5871 киши жарадар болгонун жарыялады. Shahab News сайтынын маалыматына ылайык, билдирүүдө ошондой эле 180 шейиттин 31и 18ге чыга элек, сегизи карылар экени айтылат.  Буга байланыштуу Палестина маалымат борборунун (Маати) интернет сайты да дүйшөмбү күнү жарыя кылып, сионисттер быйыл…

 Кыргызстандын Баткен облусунун Тажикстан менен чектешкен аймактарында кырдаал туруктуу. Бул тууралуу Баткен облустук администрациясынын басма сөз кызматы 24-июлда саат 23:30дар чамасында билдирди. Мекеменин маалыматына караганда, “жүргүзүлгөн иш-чаралардын натыйжасында эки тараптан тең чыр-чатакка тиешеси бар жарандар аныкталып, териштирүү иштери башталды”. “24-июлда кечке маал кыргыз-тажик чек арасында катталган чатак боюнча жеринде Кыргызстандын Баткен районунун жана Тажикстандын Исфара районунун акимдери жана күч түзүмдөрүнүн жетекчилери жолугушуп, коомдук коопсуздукту камсыздоо макулдашылган”, – деп жазылган маалыматта. Буга чейин Кыргызстандын Улуттук коопсуздук…

 Россия президенти Владимир Путин өлкөдө жыныс алмаштырууга тыюу салган мыйзамга кол койду. Документ укуктук маалыматтар расмий порталында жарыяланды. Документке ылайык, Россияда трансгендердик өткөөл мезгилдин алкагында операция жана гормоналдык терапияга тыюу салынат. “Балдардын жыныстык түзүлүшүнүн тубаса физиологиялык мүчүлүштүгүн дарылоого” гана уруксат берилет. Мыйзам гендердик маркерди алмаштырууга тыюу салат, бул – чет өлкөлөрдө да операция жасатууга болбойт дегенди билдирет. Мыйзам күчүнө киргенден баштап трансгендерлерге бала асырап алууга тыюу салынат. Түгөйлөрдүн бири жынысын алмаштырса никеси жокко чыгат. Мыйзам жарыяланган күндөн…

Мыйзамдын кабыл алынышы Израилдин сот системасында сот реформасы башталгандан берки биринчи чоң өзгөрүүнү билдирет. Мыйзам долбоору бүткүл оппозиция добуш берүүгө бойкот жарыялаганына жана коомчулуктун каршы болгондугуна карабай кабыл алынды, бул Израилдин саясий турмушунда болуп көрбөгөндөй окуя болду. Документке 120 орундуу парламенттеги башкаруучу коалициянын 64 депутаты добуш берди. Сот реформасына каршы чыккандар өлкөнүн ар кайсы аймактарында, анын ичинде борбор шаары Тель-Авивде массалык нааразылык акцияларына чыгышты. Массалык нааразылык акцияларынын фонунда сот реформасынын башкы идеологу, Израилдин премьер-министри Биньямин…

 Казакстандын президенти Касым-Жомарт Токаев 4-августан тартып Нурсултан Назарбаевден мамлекеттик күзөт кызматын алуу тууралуу буйрукка кол койду. Казакстандын президенти Касым-Жомарт Токаев кол койгон  буйрукка ылайык, үстүбүздөгү жылдын 4-августунан тартып Казакстандын Мамлекеттик күзөт кызматы өлкөнүн мурдагы президенти Нурсултан Назарбаевдин коопсуздугун камсыз кылбайт. Бул тууралуу  «Интерфакс» билдирди. Ошол эле учурда Казакстандын экс-мамлекет башчсынын кол тийбестиги сакталып кала берет. Мындан тышкары Н. Назарбаевге квартира, тейлөөсү менен кошо мамлекеттик дача, жеке күзөт, айдоочусу менен кошо автомашина жана медициналык тейлөө кызматтары берилет. Мындай чечим 2023-жылы…

 Түркиянын Анталия, Маниса жана Кахраманмараш провинцияларында токой өрттөнүүдө. Түрк бийликтери 25-июлга караган түнү токой өрттөрүн өчүрүү аракеттери көрүлүп жатканын билдирди. “Анталия провинциясынын Каш, Кемер жана Ташаыл райондорунда, ошондой эле Маниса провинциясынын Саруханлы  жана Кахраманмараш провинциясынын Дулкадироглу айылдарында (түштүк-чыгышта – ред.) токой өрттөрүн өчүрүүнү улантып жатабыз”, – деп билдирди Түркиянын Токой чарба башкы башкармалыгы Твиттердеги билдирүүсүндө. Түркиянын президенти Режеп Тайып Эрдоган дүйшөмбү күнү жарандарды токойлорго кылдаттык менен мамиле кылууга жана токойлорго жакын жерде өрт булагына жол бербөөгө чакырды.Токойдогу…

НАТОнун Вильнюс шаарында өз ишин жыйынтыктаган саммитинде Украина, Кытай жана Орусияга өзгөчө көңүл бурулуп, альянстын жакынкы жылдарга стратегиялык багыттары аныкталды. Саммитте кабыл алынган негизги чечимдердин бири альянстын 300 миң аскер кызматкерин “чыгыш чек араларына” жайгаштыруу болду, бул Орусия менен Беларустун чек араларында аскердик позицияны күчөтүүнү билдирет. АКШ жана НАТО тарабынан кабыл алынган коопсуздук коркунучтарына жооп катары Орусия Кыргызстан менен Тажикстандагы аскердик базаларынын күжүрмөн даярдыгын жогорулатуу ниетин билдирди. Бул тууралуу Коргоо министри Сергей Шойгу Нью-Делиде өткөн…

 Киев режими Москвадагы объектилерге сокку урууга аракет кылды, бирок орус аскерлери анын алдын алышты. Бул тууралуу РФ Коргоо министрлигинен билдиргенин РИА Новости жазды. “24-июль эртең менен Киев режими эки учкучсуз учуусу аппарат менен Москва шаарынын аймагындагы объектилерге чабуул жасоого аракет кылды. Украинанын эки дрону радиоэлектрондук каражаттар менен талкаланып түшүрүлдү”, – деп айтылат маалыматта. Москванын мэри Сергей Собяниндин айтымында таңкы саат төрттөр чамасында учкучсуз башкарылган аппараттар эл жашабаган эки имаратка чабуул жасаган. Бирок андан олуттуу зыян…

 Афганистандагы кырдаал бизди өзгөчө тынчсыздандырат. Бул тууралуу президент Садыр Жапаров бүгүн, 19-июлда, Жидда шаарында өтүп жаткан “Борбор Азия – Булуңдагы араб мамлекеттеринин кызматташтык кеңешинин” биринчи Саммитинде билдирди. “Афганистандагы кырдаал бизди өзгөчө тынчсыздандырат. Биз Афганистанды жана көптөн бери азап чеккен афган элин эл аралык коомчулук обочолонтуп калтырбашы керек деп эсептейбиз. Афганистандын элине гуманитардык жардам көрсөтүүнү улантуу жана афган экономикасын калыбына келтирүүгө салым кошо турган долбоорлорду ар тараптуу колдоо зарыл”, – деп билдирди мамлекет башчысы. Анын айтымында,…

 Ирактын премьер-министри Мохаммед Шиа ал-Судани Швеция бийлигинин Куранды өрттөө акциясына бир нече жолу уруксат бергендигине жооп катары Швециянын Багдаддагы элчисинен өлкөдөн чыгып кетүүнү талап кылып, Стокгольмдагы убактылуу ишенимдүү өкүлүн чакыртып алуу чечимин кабыл алды. Бул тууралуу Ирактын премьер-министринин кеңсесинен билдиришкенин РИА Новости жазды. Буга чейин маалымат каражаттары жүздөгөн демонстранттар бейшемби күнү эртең менен Швециянын Багдаддагы элчилигине бастырып кирип, аны өрттөп жиберишкенин кабарлашкан. Элчиликтин кызматкерлеринен эч ким жабыркаган эмес. Демонстрация Швецияда күтүлүп жаткан Куранды өрттөө акциясын утурлай уюштурулган….

 АКШнын Каржы министрлиги төрт кыргыз компаниясына санкция салды. Бул туурасында ведомствонун расмий сайтында айтылат. Вашингтондун билдирүүсү боюнча бул компаниялардын Россияга санкцияга кабылган товарларды ташууга катыштыгы бар болгон. 20-июлда жарыяланган маалыматка ылайык, АКШнын кара тизмесине Кыргызстандагы RM Design and Development, “ГТМЕ Технологии”, “Прогресс лидер” жана “Карголайн” компаниялары киргизилди. Мындан тышкары, бул тизмеде аталган компаниялардын товар алып турган россиялык ишканалар да (“Базис Трейд Прософт”, “Радиотехснаб”, “Регион-проф”, “Технологии, системы и комплексы”, “СиАйСи”) кирди. The Washington Post басылмасы 18-июлда АКШ президентинин администрациясы Кыргызстанга…

Тель-Авивде жөө жүргүнчүлөрдү сүзүп, бычак менен кол салуудан кеминде сегиз киши жаракат алды. Бул тууралуу The Jerusalem Post кабарлады. Социалдык тармактардагы видеого караганда, унаа тротуарга чыгып кетип, бир нече жөө жүргүнчүнү сүзүп кеткен. Андан соң айдоочу унаадан чыгып, өтүп бара жаткандардын бирине бычак сайган. Бир жабырлануучунун абалы оор экени кабарланууда. Полициянын маалыматы боюнча, кол салган адам Иордан дарыясынын батыш жээгинде жашаган палестиналык болгон. Ал 20 жашта болчу жана Израилге дарылануу үчүн кирген. Алдын ала иликтөөлөргө…