Америкалык серепчи АКШнын аскердик операциялары Ирандын согушка чейинки мезгилге салыштырмалуу позициясын бекемдегенин билдирди.
Pars Today агенттиги IRNA маалымат агенттигине шилтеме берүү менен билдиргендей, «1945» (19FortyFive) сайтынын улуттук коопсуздук боюнча улук редактору Брэндон Вайхерт Russia Today телеканалына берген маегинде АКШ менен сионисттик режимдин биргелешкен аскердик аракеттери Батыш Азиядагы стратегиялык күчтөрдүн тең салмагын өзгөртө албаганын айтты.
Серепчинин айтымында, Вашингтон согуштун жүрүшүндө да, жетишилген макулдашуунун алкагында да олуттуу стратегиялык ийгиликтерге жетише алган жок.
Russia Today басылмасы белгилегендей, серепчинин билдирүүсү Вашингтон менен Тегеран убактылуу макулдашууга жетишкенден кийин дипломатиялык процесске байланыштуу бири-бирине карама-каршы билдирүүлөрдү жасап жаткан учурга туш келди.
Басылманын маалыматына ылайык, АКШнын президенти Дональд Трамп сүйлөшүүлөр уланышы күтүлүп жатканын билдирген. Ал эми ирандык расмий өкүлдөр эки тараптын жогорку деңгээлдеги түз сүйлөшүүлөрү азырынча пландалбаганын баса белгилешти. АКШ менен Катардын расмий өкүлдөрүнүн айтымында, техникалык деңгээлдеги сүйлөшүүлөр катарлык ортомчулардын катышуусунда Дохада уланууда.