13-14-июлда 345 ооган кыргызы талибдерден коркуп, Тажикстанды аймагына кире качты. Тажикстан Чек ара кызматы шаршембиде Бадахшан провинциясынын Андемин кыштагында жашаган 91 эркек, 77 аял жана 177 жашы жете элек бала (64ү эркек, 113ү кыз) Мургаб районуна карашуу Кызыл-Работ айыл аймагына келишкенин кабарлады. Маалыматка караганда, ооганстандык кыргыздарды тажик чек арачылары гуманизм принцибинен улам Тажикстандын аймагына киргизишкен. Ооганстандык кыргыздар мал жандыктарын айдай келишкен. Качкындар менен кошо 1000дей майда жандык, 300 топоз, үч төө жана отуз жылкы кирген….

Түркмөнстандын президенттери Сапармурат Ниязов менен Гурбангулы Бердымухамедовдун тушунда калк 1980-жылдардын деңгээлине түшкөнү белгиленди. Бул жолу жергиликтүү эл каттоонун кызматкерлери деле мындай көрсөткүчтөрдү күткөн эмес.Анткен менен жергиликтүү булактардын маалыматына ылайык,Түркмөнстандын калкы азайып, өлкөдө 2,7-2,8 млн. адам жашаары аныкталды.Булактардын биринин айтымында, бөлүмдөр Түркмөнстан Президентинин администрациясына отчет берүү үчүн калкты каттоо боюнча алдын-ала маалыматтарды чогултушкан.«Калкты эсептөөдө колдонулган ыкмалар ар башкача болгон, негизинен –   үймө-үй кыдыруу, бирок башка түз жана кыйыр маалыматтар дагы колдонулган. Мисалга, армияга чакырылгандардын саны, мектеп бүтүрүүчүлөрү, университеттин студенттери, бала…

Түркиянын Haber Turk басылмасы күч түзүмдөрүндөгү булагына таянып, кармалган Орхан Инанды ФЕТО уюмунун Түркиядан качып келген 25 мүчөсүнө кыргыз жарандарынын паспортун алуу үчүн мыйзамсыз жардам көрсөткөндүгүн билдирди. Берилген маалыматтарга караштуу, Орхан Инанды ушул жылдын март айында АКШнын Пенсильвания штатындагы FETOнун штаб-квартирасына барып, ал жерде уюмдун лидерлери менен жолугушкан.Ага мурдараак Түркиядан качып кеткен 25 ФЕТОнун мүчөлөрүнө башпаанек берүү милдети жүктөлгөн деп айтылууда. Эске салсак, “Сапат” түрк лицейлеринин президенти жана Кыргызстандын жараны Орхан Инанды 1-июнга караган түнү жоголуп кеткен.Ушул убакка…

Ооганстандын президентинин улуттук коопсуздук боюнча кеңешчиси Хамдулла Мухеб, өкмөт Талибан менен коалициялык өкмөт түзүүгө бел байлаганын билдирди. Ал кошумчалагандай, ооган эли талиптердин өкмөткө киришине каршы эмес, бирок топтун башкаруусуна каршы болушуп, аргасыздан колуна курал алып, талиптерге каршы күрөшкөн. “Ооганстандыктар талиптер бүт өлкөнү башкарып, ооган эли кандайча жашаш керектигин буйрук кылышын каалашпайт”,- деди Хамдулла Мухиб.Ооганстандын улуттук коопсуздук боюнча кеңешчиси жакында өлкөдөгү жаңжалдын курчушуна токтолуп, Талибан согушу легитимдүү эмес жана бул топ бийликке жетүүгө аракет кылып жатат деп билдирди.Мухеб…

Индия полициясы коронавируска каршы вакцинанын ордуна туз ээритмеси, антитело же антибиотик сайган 10 жеке вакцинация борборун жаап, борборлордун кызматкерлерин камакка алышкан. Белгилей кетсек, эмдөөдөн өткөн бир нече миң адам эми жаңы коронавирустун толкунуна туш болушууда.Ал эми, Мумбайдын жергиликтүү өкмөтү өткөн аптада Шивам ооруканасын тосуп, лицензиясын кайтарып алды. Бул иш-чаранын себеби, аталган медициналык борбордо жасалма вакциналардын кеңири түрлөрү болгон.Учурда полиция оорукананын жасалма коронавирус вакциналарын чыгарган-өндүрбөгөнүн иликтөөдө жана бул оорукананын ээлери камакта.Эске салсак, ушул жылдын башында дарылоо…

3-август күнү UFC уюмунун мурдагы чемпиону Хабиб Нурмагомедов Кыргызстанга келет. Бул тууралуу мушкер өзү социалдык тармактагы баракчасына жазды.UFC чемпионатын уюштурган уюм Кыргызстандын Ысык-Көл облусунда аралаш мушташ (ММА) боюнча “Eagle Fighting Championship” лигасын өткөрөт.Уюмдун маалыматы боюнча, Eagle FC Кыргызстанда биринчи жолу өтөт.Лигада Руслан Яманбаевдин атаандашы Бусурманкул Абдибаит уулу менен чемпиондук наамын коргоосу негизги күрөш болот.Нурмагомедов буга чейин Кыргызстанга 2018-жылдын январь айында атасы Абдулманап Нурмагомедов менен чогуу келип кеткен. Мушкер Бишкекте өткөн жолугушуудан кийин, кыргыз эли менен дагестан элинин окшоштугу – мырзалардын балбандыгында экендигин билдирген…

Микротолкундуу меште бышырылган таттуу азыктар менен газдалган суусундуктарды көп колдонуу мээнин сезгенишине жеткирип, нерв талчаларын жабыркатат. Бул тууралуу окумуштуулардын изилдөөсүнүн жыйынтыгы Rai Al Youm гезитине жарыяланды.Анда окумуштуулар мээге, акыл-эске доо кетирип, Альцгеймер оорусунун пайда болушун шарттай турган азыктарды изилдеп чыгышканы жазылган.Улуу Британиянын Бат университетинин окумуштуулары шекерди өлчөмүнөн ашыкча колдонгон же курамында шекер бар таттууларды көп жеген адамдын артериялары ичкерип, мээге кан жеткирүү кыйынчылык жаратарын, натыйжада атеросклероз оорусун пайда кыларын билдиришти.Ошондой эле, Түштүк Австралия университетинин окумуштуулары…

Америкалык тарыхчылар Дональд Трампты, айрыкча анын адеп-ахлактык сапаттары жана административдик жөндөмдөрү үчүн өлкөнүн эң начар президенттеринин бири деп аташты. Белгилей кетсек, бул изилдөөнү АКШнын C-SPAN каналы жүргүзгөн. Бул боюнча 2000-жылдан бери төртүнчү жолу басылма түзгөн рейтингдин үстүнөн АКШнын  142 эксперт-тарыхчылары иштеди. Изилдөөлөрдүн жыйынтыгы боюнча, Трамп рейтингдеги 44 катышуучунун арасынан 41-орунду ээледи.Ал эми, АКШнын алдыңкы үч президенттин катарына Авраам Линкольн, Джордж Вашингтон жана Франклин Рузвельт кирди.Ошондой эле, Джон Кеннеди сегизинчи орунду ээледи, андан кийин республикачылардын президенти Рональд Рейган жана алдыңкы ондукка 44-президент Барак Обама кирди.Демократ Билл Клинтон 19-орунда, Буш улуусу 21-орунда, Президент Жордж Буш 29-орунда…

Ооганстандын 300 аскери Кабулдан 70 км. түндүктө Талибанга каршы күрөшүүдө жеңилип, Тажикстанга качып кирди. Бул боюнча Тажикстан Республикасынын Улуттук коопсуздук боюнча мамлекеттик комитети Ооганстандын айрым чек ара аймактарындагы кырдаалды “курч”деп мүнөздөөдө.Эске салсак, 3-июлда саат 18:30 чамасында Ооганстандын Бадахшан провинциясынын Хохон районундагы Овез айылы, Шахрибузург району жана Рогистон районундагы Зираки айылы толугу менен талиптердин көзөмөлүнө алынган. Алар ошондой эле Хохон округундагы Овез чек ара командачылыгын басып алышкан.Ал эми согуштан артка чегинүү учурунда 300гө жакын чек арачылар Тажикстан…

Ирандын Салматтыкты Сактоо министрлиги өлкөдө коронавирустун 5-толкуну башталганын билдирди. Белгилей кетсек, өлкөдө коронавируска каршы вакциналар кеңири алынып келип, улуттук вакциналар да чыгарылып, масштабдуу эмдөөлөр башталганына карабастан, коронавирустун коркунучтуу жаңы штаммдары пайда болууда.Учурда коронавиурстун “Индия штаммы” Ирандын 92 шаарында табылган. Ошону менен бирге, 80 миллиондук калктуу өлкөдө күнүнө 8 миңден 10 миңге чейин коронавирустук жаңы учурлар катталса, 90-100гө чукул бейтаптар көз жумууда. Падемия башталгандан бери жалпы ооругандардын саны 3 миллиондон ашып, 100 миңге жакыны дүйнө салса,…

Дүйнөлүк саламаттык сактоо уюму аптаптуу ысыкта алкоголдук ичимдиктерди, кофеин жана кант кошулган суусундуктарды ичүүдөн баш тартууну сунуштайт. Бул тууралуу ДССУнун өкүлү Тарик Язаревич брифингде билдиргенин чет элдик басылмалар жазышты.Аталган уюм адамдарды ысыктан оолак болуп, салкын жерде баш калкалап, суусундукту көбүрөөк ичүүгө чакырып, “Эгерде баш айланып баштаса дароо дарыгерге кайрылыңыздар. Анан суусундук дегенде бир гана суу ичүү керектигин белгилейбиз. Алкоголдон такыр баш тартып, кофеин менен кант кошулган сууларды көп ичпөө сунушталат”, – деп билдирди.ДССУнун билдирүүсүндө Канадада күндүн ысыгы…