Өзбекстан Ооганстандын Мазари-Шариф шаарында курулуп жаткан «Хайр аль-Мударис Имам Бухари» медресесин каржылайт. Бул тууралуу Podrobno.uz. сайты жазды.
21-августта өткөн иш-чарага Балх провинциясынын губернаторунун орун басары Нур аль-Ходи Абу Идрис жана Өзбекстандын Ооганстандагы башкы консулу Фархад Назаров катышты.
«Хайр аль-Мударис Имам Бухари» медресеси 0,6 гектар аянтка жайгашып, 1000 окуучуга диний билим берет.
Ооган маалымат каражаттары билдиргендей, курулуштун баасы 6 миллион долларга бааланган.
Диний окуу жайдын курулушун бир жылдын ичинде бүтүрүү пландалууда.
Медресенин курулушу Өзбекстандын Тышкы иштер министрлигинин башчысы Бахтиер Саидовдун быйыл 12-13-мартта “Талибан” өкмөтүнүн лидерлери менен болгон сүйлөшүүлөрүндө макулдашылган.
