АКШнын аскер кызматкерлери Иранга каршы операциядан ушунчалык көңүлү калгандыктан, айрымдары армиядан кетүүгө даяр. HuffPost билдирүүсүнө таянган маалыматтарга ылайык, акыркы жумаларда «абийирине байланыштуу кызматтан баш тарткандардын» саны 1000% га өскөн.
Аскерлер «жетишсиз коргонуу жана операцияларды пландаштыруунун алсыздыгынан» жабыркап жатышканын билдиришүүдө.
Бир резервист айым: «Биз Израиль үчүн өлгүбүз келбейт — саясий оюндагы пешкага айлангыбыз келбейт», — деп айткан.
Айрым расмий өкүлдөрдүн айтымында, кургактагы операция «толук апаатка» айланмак: «Биз согуш аймагындагы бир да базаны толук коргой албай жатабыз».
Ошол эле учурда АКШ президенти Дональд Трамп Жакынкы Чыгыштагы чыңалууну жөнгө салуу боюнча сүйлөшүүлөр жүрүп жатканын билдирди:
Анын айтымында, АКШ менен Иран акыркы эки күндө «өтө жакшы жана натыйжалуу» сүйлөшүүлөрдү өткөрдү. Ушуга байланыштуу ал Коргоо министрлигине Ирандын электр станцияларына жана энергетикалык инфраструктурасына сокку урууну беш күнгө токтотуу боюнча көрсөтмө берген. Бул чечим сүйлөшүүлөр ийгиликтүү уланса гана күчүндө болот.
Буга чейин Трамп АКШ Ирандын энергетикалык объекттерине сокку урарын билдирген, бирок кийин бул аракетти убактылуу токтото турганын айткан.
Ал эми Ислам революциясынын сакчылар корпусу АКШ менен Ирандын парламент өкүлдөрү ортосунда сүйлөшүүлөр болду деген маалыматтарды «толук жалган» деп атап, согуш «агрессорлор толук жазаланмайынча жана Ислам Республикасынын максаттары ишке ашмайынча» уланат деп билдирди.