Кыргыз Республикасынын Президенти Садыр Жапаров  10-мартта, Си Цзиньпинди Кытай Эл Республикасынын Төрагасы, ошондой эле Кытай Эл Республикасынын Борбордук аскер кеңешинин Төрагасы болуп кайра шайланышы менен куттуктады.  «Акыркы жылдары кыргыз-кытай мамилелери динамикалуу өнүгүп жатканы кубандырат. Мамлекеттерибиздин ортосунда ынак кошуначылык жана достук, саясий өз ара ишеним ырааттуу чыңдалып, соода-экономикалык кызматташтык тынымсыз кеңейүүдө, „Бир алкак — бир жол“ демилгесинин алкагында биргелешкен долбоорлор ишке ашырылууда.  Мен өткөн жылдын февраль жана сентябрь айларында Пекинде жана Самаркандда болгон жолугушууларыбызды жылуулук менен эстейм, алар кыргыз-кытай ынак кошуначылык, достук, кызматташтык…

 Кыргыз Республикасынын Президенти Садыр Жапаров  10-мартта, Орто-Сай айылында заманбап “Ыйман борбору” мечитинин курулушуна капсула салды. Эки кабаттуу диний жай 20 миң кишиге ылайыкташып, намаз окууга жана дин таанууга бардык шарттар түзүлөт. Намаз комплексинин курамына административдик имарат жана руханий билим берүү мекемеси – медресе кирет. Бул тууралуу Президенттин маалымат кызматы билдирди.  Мамлекет башчысы келечекте бул мечит Орто-Сай айылынын көркүнө көрк кошуп, архитектуралык көрүнүшүн арттырып, ошону менен бирге мусулмандардын ибадат кылуусуна жаңы жер пайда болот, деп өз…

Ар мусулмандын билүүсү жана кылуусу керек болгон ыйман жана ибадат маалыматтарынан эң маанилүүлөрү отуз үч парз болуп саналат. Ыймандын шарты алты (6). Исламдын шарты беш (5). Намаздын парзы он эки (12). Даараттын парзы төрт (4). Гусулдун парзы үч (3). Таяммумдун парзы үч (3). (Таяммумдун парзы эки деген аалымдар да болгон. Ушундайча баары отуз эки болот.) (Кутбуддин Изники) Нике кыйдыра турчу күйөө бала жана келин отуз үч парзды билүүлөрү жана буларга ишенүүлөрү керек. Эгер билишпесе нике…

 Эл өкүлдөрүнүн бүткүл кытай кеңешинин депутаттары Си Цзиньпинди Кытайдын төрагасы кызматына үчүнчү мөөнөткө кайра шайлады. Бул тууралуу “Синьхуа” маалымат агенттиги кабарлады. Муну менен Си Цзиньпин өлкө тарыхында үч жолу беш жылдык мөөнөткө Кытайдын төрагасы болуп шайланган алгачкы жетекчи болуп калды. Мындан тышкары Си Цзиньпин Борбордук аскердик кеңештин төрагасы кызматына да кайра шайланды. Мындай чечимди 2 952 депутаттын баары бир добуштан колдогону кабарланды. Буга чейин депутаттар Кытайдын Мамлекеттик кеңешинин реформалар боюнча планын да жактырган. Мамлекеттик кеңеш Кытайдын жогорку…

 Жамааттык коопсуздук келишим уюмунун жаңы дайындалган башкы катчысы Имангали Тасмагамбетов 9-10-мартта Кыргызстанга келет. Бул тууралуу ЖККУнун расмий сайтында айтылат. Маалыматка ылайык, иш сапардын алкагында Кыргызстандын президенти Садыр Жапаров, Тышкы иштер министри Жээнбек Кулубаев, КР коопсуздук кеңешинин катчысы Марат Иманкулов, Коргоо министри Бактыбек Бекболотов жана Улуттук коопсуздук мамлекеттик комитетинин Чек ара кызматынын жетекчилиги менен жолугушуулары пландалган. Буга чейин ЖККУ Кыргызстан менен Тажикстандын чек арасындагы чыңалууну басаңдатуу боюнча чараларды сунуштай турганы маалымдалган. Белгиленгендей, бул Тасмагамбетовдун ЖККУнун башкы катчысы катары Бишкек алгачкы сапары. Эске…

Кечээ, 8-мартта Жогорку Кеңештин депутаты Динара Ашимова Нью-Йоркто өткөн “Исламдагы аялдар: Исламдагы аялдардын укуктарын жана иденттүүлүгүн түшүнүү” аттуу конференцияда катышып, сөз сүйлөдү. Бул туурасында депутат өзүнүн соцтармактагы баракчасына билдирди. “БУУнун бийик трибунасынан динди эркин тутуу жана жоолукчан айымдардын мектептерде окууга, окутууга жана мамлекеттик кызматтарда эч кандай кысымга учурабастан иштөөгө толук укугу бар экендигин айттым”, – деп жазды Ашимова. Бул жыйында ал: “Бул тема азыркы дүйнөдөгү эң маанилүү тенденция жана эң маанилүү коомдук кайра куруулардын бири болуп саналат….

 “Ирандыктар өзөктүк бомба жасоону көздөбөйт. Ал эми уранды байытуу деңгээли 84 пайызды эмес, 60% пайызды түзөт”. Бул тууралуу БУУнун Атомдук энергия боюнча эл аралык агенттигинин (МАГАТЭ) жетекчиси Рафаэл Гросси Ирандын өзөктүк объектилерине болгон сапарынын жыйынтыгы боюнча Венадагы маалымат жыйынында билдирди. Гросси жогорку деңгээлдеги жолугушууларды өткөрүү үчүн Иранга 4-мартта барып,  Ирандын Атомдук энергия боюнча уюмунун башчысы Мохаммад Эслами менен жолугушкан. Кечээ, 5-мартта Ирандын Атомдук энергия боюнча уюмунун жетекчиси Мохаммад Эслами Иран менен МАГАТЭнин ортосундагы талаш-тартыштар жабылганын билдирген. “МАГАТЭнин инспекторлору азыркы…

Израиль Түркмөнстанда элчилигин ачат. Тель-Авивдин Борбор Азия республикасындагы дипломатиялык өкүлчүлүгү Ирандын чек арасына жакын болуп, 20 чакырымдай аралыкта жайгашат деп жазат “Вести Кавказа” аналитикалык басылмасы. Израилдин тышкы иштер министри Эли Коэн расмий иш сапары менен Түркмөнстанга барып, ал жерде Израилдин Ашхабаддагы элчилигинин ачылыш аземине катышат. Муну менен Израилдин Түркмөнстандагы дипломатиялык өкүлчүлүгү Ирандын чек арасына жакын жайгашкан элчилик болуп калат. «Израиль менен Түркмөнстандын мамилеси маанилүү жана стратегиялык жана бүткүл аймак менен мамилелерди чыңдоо аракетинин бир бөлүгү болуп саналат….

 АКШнын Куралдуу күчтөрүнүн ардагери Ноктис Дрейвен Батыш Украинада Россия менен жаңжал аяктагандан кийин деле токтобой турганын эскертти. Бул туурасында ал соцтармактагы баракчасына жазды. Ал белгилегендей, Батыш Украинага ири суммадагы каржылык жардамдарды бекер жерден берген жок. “Россия менен Украина жаңжалынын аягы көрүнбөйт. Батыш (Украинага – ред.) ири суммадагы каражатты, жардамды бекер жерден берген жок. Батыштын Украинанын жеңилгенине моюн сунуп, башка иштери менен алек болуп отуруп калат деп акылы жок киши эле ойлошу мүмкүн. Жаңылбагыла, кадамдар жасалып жатат”, –…

 Түркияда оппозициячыл алты партиядан турган “Элдик альянс” президенттик кызматка Кемал Кылычдароглунун талапкерлигин көрсөттү. 74 жаштагы саясатчы Түркиянын алгачкы президенти Мустафа Кемал Ататүрк негиздеген Элдик-республикалык партиясын жетектейт. Маалыматтарга караганда, оппозициянын атынан бирдиктүү талапкер алып чыгуу боюнча сүйлөшүүлөр оор болуп, Кылычдароглунун көрсөтүлүшүнө “Жакшы партиянын” төрайымы, мурдагы ички иштер министри Мерал Акшенер каршы чыккан. Ал президенттикке Стамбулдун же Анкаранын мэринин талапкерлигин көрсөтүүнү сунуштаган. Акшенер шайлоодо оппозициянын талапкери жеңип чыкса, жогорудагы эки шаардын башчылары вице-президент болот деген убададан кийин көнгөн. “Reuters”…

 АКШнын Мамлекеттик катчысы Энтони Блинкендин Борбор Азияга жасаган сапары жыйынтыкталды. Өзбекстандагы сапарынын алкагында ал республиканын тышкы иштер министринин милдетин аткаруучу Бахтиёр Саидов,   Өзбекстандын президенти Шавкат Мирзиёев менен жолугушууларды өткөрүп, андан соң Индияга жөнөп кетти. Блинкен Ташкентке Борбор Азия өлкөлөрүнүн тышкы иштер министрлеринин катышуусунда С5+1 форматында өткөн Астанадагы саммиттен кийин барды. Бул анын мамлекеттик катчы кызматына дайындалгандан кийинки Өзбекстанга жасаган алгачкы сапары болуп калды. Блинкен менен Саидовдун жолугушуусунун жүрүшүндө тараптар өзбек-америка стратегиялык өнөктөштүгүн мындан ары да өнүктүрүү маселесин талкуулашты. “АКШ менен Өзбекстандын ортосундагы мамилелер динамикалуу…

“Ислам мамлекети” (ИМ) террордук уюмунун ооган бөлүмү Кытайдын уйгур мусулмандарын кысымга алынуусун колдонуп, «өзүн эл аралык деңгээлде таанытууга ниеттенүүдө». Бул тууралуу заманбап Ооганстанды изилдөө борборунун эксперти Андрей Серенко Weiss Media басылмасына таянуу менен жазды. Ага ылайык, «ИМдин медиа-пропагандасы Пекинге каршы багытталган учурда, Кытай жарандары жана Кытайдын Ооганстандагы кызыкчылыктары ИМдин чабуулунун бутасына айланат». «ИМ уйгур маселесин өздөрүнүн ким экендигин көрсөтүү үчүн колдонушу мүмкүн” дешет эксперттер. Алардын пикири боюнча, «террорчулар Кытайдагы мусулмандарды кысымга алуу маселесине көңүл буруп, бул маселеге…

Беньямин Нетаньяхунун кабинетинин коалициясына бириккен Наам партиясынын жетекчиси Ави Маоз премьер-министрлик кызматтан кетти. Fars News агенттигинин эл аралык тобунун маалыматына ылайык, Ноам партиясынын башчысы Ави Маоз өткөн түнү сионисттик режимдин премьер-министри Беньямин Нетаньяхуга кызматтан кетүү тууралуу арызын тапшырып, кызматтан кетерин жарыялады. Ал макамдан чыгып кетти жана министрлер кабинетинин коалициясынын мүчөсү катары өз милдеттерин улантпайт. “I24” кабар сайтынын кабарына караганда, сионисттик маалымат каражаттары Маоздун өкмөттүк коалициядан кетүүсүнүн себебин өз пикирин ишке ашыруу үчүн жетиштүү күч жана…

Голландиялык сейсмолог Фрэнк Хоугербитс март айында бүткүл дүйнө жүзү боюнча катуу жер титирөөнүн болушу мүмкүн экенин айтты. Ал YouTube-каналына жарыяланган видео анализинде планеталардын критикалык геометриясынын конвергенциясы планетанын 12 чекитинде жогорку сейсмикалык активдүүлүккө алып келип, кыйратуучу соккулар Россияга да жетиши мүмкүн экенин айткан. Ал эми Gazeta.Ru сайты 2023-жылдын 3-мартынан 7-мартына чейин бир катар жер титирөөлөр болушу мүмкүн деп жазган. Бул ортодо россиялык сейсмолог Владимир Кособоков мындай дүйнө жүзү боюнча кыйратуучу жер титирөөлөр болоору тууралуу айтылган ар…