Кечээ, 10-мартта, Түркиянын Анталия шаарында Орусия жана Украинанын Тышкы иштер министрлери Сергей Лавров менен Дмитрий Кулебанын жолугушуусу өттү. Аны Түркия ортомчулук кылып уюштурган. Бул сүйлөшүүлөргө аталган өлкөнүн ТИМ башчысы Мевлүт Чавушоглу да катышты. Сүйлөшүүдөн кийинки маалымат жыйынында Украинанын Тышкы иштер министри Дмитрий Кулеба: «Эгер агрессор-өлкө каалабаса, биз согушту токтото албайбыз»,-деди. Анын айтымында, жолугушууда ал Киев орус президенти Владимир Путиндин талаптарын аткарса, ок атышууну токтотуу мүмкүн экенин укту. Кулеба Орусиянын талабын толук капитуляция деп кыскача мүнөздөдү. «Бирок Украина багынбайт. Биз дипломатиялык чечимдерди издейбиз, ага…

АКШнын президенти Жо Байден бүгүн, 11-мартта Орусиянын Украинадагы операциясына жооп катары Москвага каршы жаңы чараларды жарыялайт. Бул тууралуу Ак үй билдиргенин чет элдик басылмалар жазышты. “Саат 10:15те (Москва убактысы боюнча 18:15) президент Орусияны мындан ары жоопкерчиликке тартуу боюнча иш-аракеттер топтомун жарыялайт”, — деп жазылат маалыматта. Буга чейин, маалымат каражаттары Байден жума күнү “Орусия менен нормалдуу соода мамилелерин” токтотууну жана орус импортуна салыктарды көтөрүүнү талап кыларын кабарлашкан эле.

Орусия Украинадагы бийликти кулатууну максат кылбайт. Бул тууралуу өлкөнүн Тышкы иштер министрлигинин (ТИМ) расмий өкүлү Мария Захарова шаршембидеги брифинг учурунда билдирди. Согуштун башында президент Владимир Путин украин аскерлерин төңкөрүш уюштурууга чакырган. Анда өлкөнүн легитимдүү жетекчилигин “баңгилердин жана неонацисттерлин уюшкан тобу” деп атаган. Захарованын айтымында, согуш Донбасcтагы орусиячыл жикчилдерди коргоону, Украинанын “демилитаризациясын” жана “ашынган улутчулдардан арылышын”, ошондой эле Орусияга болгон аскердик коркунучту жоюуну көздөйт. Москва кол салардан бир күн мурун Украинанын чыгышындагы жикчил аймактарды “көз каранды эмес мамлекеттер” деп тааныган….

Орусиядагы көрүнүктүү саясий жана илимий ишмер, доктор Федор Лукьянов өзүнүн жеке сайтында Адам Томсондун сайтына шилтеме жасап, Кавказ чөлкөмүндөгү соңку маселелерге жана израилдик жогорку даражалуу дипломаттын комментарийлерине байланыштуу эскертүүсүн жарыялады. Россиянын «Дүйнөлүк иштер» журналынын башкы редактору, Россиянын тышкы жана коргонуу саясаты боюнча кеңешинин төрагасы, доктор Федор Лукьянов, ошондой эле «Валдай» эл аралык диалог клубунун изилдөө бөлүмүнүн директору, Россиянын экономика факультетинин профессору. Улуттук изилдөө университети, НАТО жана Орусиядагы акыркы окуяларды карап чыкты. Көтөрүлгөн маселелердин маанилүүлүгүнөн улам…

Франциянын президентинин өтүнүчү боюнча Орусия Украинада жымжырттык режимин жарыялайт жана гуманитардык коридорлорду ачат. Бул тууралуу Орусиянын Коргоо министрлиги маалымдаганын ТАСС билдирди. Маалыматта Франциянын президенти Эммануэль Макрондун кесиптеши Владимир Путинге кайрылуусу менен Орусия 7-мартта Москва убактысы боюнча саат 10:00дө Украинада жымжырттык режимин жарыялары айтылат. Мындан тышкары, өлкөдө гуманитардык коридорлор ачылары, карапайым тургундар Киев, Мариуполь, Харьков жана Сумы шаарларынан тоскоолдуксуз чыгып кете алышары баса белгиленген. Эскерте кетсек, Орусия 24-февраль, бейшемби күнү эртең менен Украинада аскердик операция баштаган. Өлкө президенти Владимир Путин…

Ирандын президенти Ибрхим Раиси Украинанын эли АКШнын каардуу саясатынын курмандыгы болду деп эсептейт. “Украинанын эли дагы Ооганстан, Йемен жана Ирактын эли сыяктуу эле АКШнын каардуу саясаттарынын курмандыгы болду”,- деп билдирди Раиси Министрлер кабинетинин отурумунда сүйлөгөн сөзүндө. “Ислам Республикасынын Жогорку лидери (Аятолла Али Хаменеи) белгилегендей, Иран согушка каршы, согуш канчалык эрте бүтсө, бардыгы үчүн ошончолук жакшы”, – деди ал. Эске салсак, буга чейин Ирандын Жогорку лидери Аятолла Али Хаменеи Украина АКШнын кризис жаратуучу саясатынын курмандыгы болуп калганын жана Украинаны ушул…

АКШ Орусиянын президентинин басма сөз катчысы Дмитрий Песковго жана орусиялык жети ири ишкерге каршы “толук бөгөт коюучу” санкцияларды киргизгенин билдирди. Бул тууралуу АКШнын Ак үйү билдиргенин орусиялык басылмалар жазышты. Санкциялык тизмеде ири ишкерлер Николай Токарев, Борис жана Аркадий Ротенберг, Сергей Чемезов, Игорь Шувалов, Евгений Пригожин жана Алишер Усмановдор бар. Ошондой эле, тизмедеги Песков менен Усмановдон башкалардын эң жакын туугандары да санкцияга дуушар болушкан. АКШ Украинадагы окуяларга байланыштуу орусиялык 19 бизнесменге, ошондой эле алардын 47 үй-бүлө мүчөсүнө жана алар менен тыгыз байланышта болгон адамдарга виза чектөөсүн киргизди, деп…

Орусия Украина менен сүйлөшүүлөргө даяр, бирок коркунуч туудурган инфраструктураны жана курал-жарактарды жок кылуу үчүн операциясын уланта турганын Орусиянын тышкы иштер министри Сергей Лавров билдирди. Бул тууралуу РИА Новости жазды. “Биз сүйлөшүүлөргө даярбыз, бирок операцияны улантабыз, анткени биз Украинадагы Орусиянын коопсуздугуна коркунуч туудурган инфраструктураны калтыра албайбыз”, – деди министр орусиялык жана чет элдик маалымат каражаттарына берген маегинде. Орусия Украинада аскердик операциясын 24-февраль күнү эртең менен баштаган. Операциянын максаты – Украинаны демилитаризациялоо жана денацификациялоо, Донбасстын геноцидге дуушар…

Бириккен Улуттар Уюму (БУУ) дүйнөлүк коомчулукка кайрылып, Украинанын калкына чукул гуманитардык жардам көрсөтүү үчүн 1,7 миллиард доллар бөлүүнү суранды. Дүйнөлүк уюмдун маалыматына караганда, жакынкы айларда Украинанын ичиндеги 12 миллионго жакын адам жана кошуна өлкөлөрдөгү 4 миллиондон ашык украиналык качкындар жардамга жана коргоого муктаж болушат. Мындай маалыматты БУУнун гуманитардык иштерди координациялоо бюросу (OCHA) жарыялаганын чет элдик басылмалар жазышты. БУУнун баш катчысынын гуманитардык маселелер боюнча орун басары Мартин Гриффитс дүйнө коомчулугун Украинанын карапайым жарандарынын өмүрүн коргоого аракет көрүп, боорукердик…

Ирандын руханий лидери Аятолла Али Хаменеи Азирети Мухаммад (САВ) пайгамбардын алгачкы вахийинин бир жылдыгына карата сүйлөгөн сөзүндө Украинадагы окуяларга комментарий берди. Анын айтымында, бүгүн Украина АКШнын кризис жаратуучу саясатынын курмандыгы болуп калды жана Украинаны ушул абалга АКШ алып келди. “Биз дүйнөнүн бардык жеринде согушка жана кыйроого каршыбыз. Биз батыштыктардай эмеспиз; Алар Ооганстанда үйлөнүү үлпөтүнө бомба ташташат жана муну терроризмге каршы күрөш деп айтышат, бирок сионисттик режимдин кылмыштарын коргошот; Алар Йемендеги кылмыштарды колдошот”, – деди Хаменеи. “Биз Украинадагы…

Киевдин тургундары шаардан эркин чыгып кете алышат. Мындай билдирүүнү Орусиянын Коргоо министрлигинин расмий өкүлү, генерал-майор Игорь Конашенков билдиргенин орусиялык маалымат каражаттары жазышты. Министрликтин өкүлү Украинанын баш калаасынын жай тургундары шаардан Киев-Васильков трассасы менен чыгып кетиши мүмкүн экенин билдирди. «Бул багыт ачык жана коопсуз», – деди Конашенков. Ошондой эле, Коргоо министрлиги Орусиянын аскерий операциясы карапайым калкка коркунуч жаратпай турганын жана Куралдуу Күчтөрдүн максаты бир гана аскердик объектилер экенин баса белгиледи. Донбассты коргоо боюнча аскердик операция 24-февралда башталган. Орусиянын…

Беларустун Гомель облусунда Орусия менен Украинанын сүйлөшүүлөрү башталды. Жолугушуу Украинанын чек арасына жакын жерде, Гомель облусундагы Припять дарыясынын жээгинде өтүүдө. Коопсуздук максатында жолугушуу орду ачыкталган жок. Тараптардын делегаттары өз ордуларына отуруп, залдагы журналисттер сыртка чыгарылды. Орусиялык делегацияны президенттин жардамчысы Владимир Мединский жетектеп барды. Делегациянын курамында Коргоо министринин орун басары Александр Фомин, Орусиянын Беларустагы элчиси Борис Грызлов жана Мамлекеттик Думанын Эл аралык иштер боюнча комитетинин башчысы Леонид Слуцкий да бар. Ал эми Украинанын делегациясынын курамында: коргоо министри Алексей Резников, “Слуга народа” фракциясынын башчысы Давид Арахамия,…

АКШнын президенти Жо Байден Орусиянын президенти Владимир Путиндин Донбасста аскердик атайын операция өткөрүү чечимине комментарий берди. Байден Донбасстагы кырдаал боюнча жасаган кайрылуусунда, АКШ НАТО менен биргеликте Орусиянын Донбасстагы аракеттерине катаал жооп кайтарарын билдирди. Бул тууралуу Reuters агенттиги жазды. Ал АКШ жана анын союздаштары Москванын аракеттерине чечкиндүү жана бирдиктүү жооп беришет деп убада кылды. Байден ошондой эле Орусиянын президенти Владимир Путин “көптөгөн курмандыктарга жана азап-кайгыга алып келе турган” согушту тандап алганын айтып, орус аскерлеринин чабуулун негизсиз деп атады. 24-февралга караган…

21-фералда Орусиянын президенти Владимир Путин Коопсуздук кеңешинин жыйынында Донецк жана Луганск Эл Республикаларын таануу боюнча жарлыкка кол койду. Бул тууралуу орусиялык басылмалар маалымдашты. Ошондой эле, Путин республикалардын жетекчилери Денис Пушилин жана Леонид Пасечник менен достук, кызматташтык жана өз ара жардамдашуу тууралуу келишимдерге кол койду. Буга чейин, Орусиянын президенти Донбасстагы кырдаал боюнча Коопсуздук кеңешинин жыйынын өткөргөнү маалымдалган. Украинанын чыгышындагы согуштук аракеттерден кийин ошол аймактагы орусиячыл жикчилдер 2014-жылдын апрель айында эки облустун аталышын “Донецк Элдик Республикасы” жана “Луганск Элдик Республикасы” деп жарыялашкан. Москва…

Украина Орусиядан өзүн-өзү жарыялаган “Донецк Элдик Республикасы” менен “Луганск Элдик Республикасынын” көз карандысыздыгын  таануу боюнча чечимин жокко чыгарууну талап кылды. Ошондой эле Москва Донбасстагы жаңжалды жөнгө салуу үчүн сүйлөшүү үстөлүнө кайтып келүүсүн талап кылат, деп билдирди Украинанын БУУдагы туруктуу өкүлү Сергей Кислица. “Биз Орусиядан Донецк жана Луганск элдик республикаларын таануу боюнча чечимин жокко чыгарууну, ошондой эле сүйлөшүү үстөлүнө кайтууну талап кылабыз. Биз Украинанын аймагына орусиялык кошумча оккупациялык күчтөрдү жайгаштыруу буйругун айыптайбыз”, – деди Кислица Коопсуздук кеңешинин…