Иранда кечээ, 1-мартта Эксперттер кеңешине жана Межлиске (бир палаталуу парламент) шайлоо аяктап, шайлоо участкалары жабылды. Учурда добуштарды саноо уланууда. Алдын ала жыйынтыктар бүгүн белгилүү болот. Иран Конституциясынын Сакчылар кеңешинин расмий өкүлү Хади Тахан Назифтин айтымында, добуш берүүдө шайлоочулар жогорку активдүүлүгүн көрсөтүштү, айрым шайлоо участкаларында кезек күтүүлөр да болду. Добуш берүүнүн коопсуздугун 250 миңге жакын аскер кызматкерлери жана укук коргоо органдарынын кызматкерлери камсыз кылды. IRNA мамлекеттик агенттигинин маалыматы боюнча, 61,17 миллион ирандык шайлоо укугуна ээ, анын…

Кыргыз Республикасынын Президенти Садыр Жапаров 1-мартта, Рахим Ага Хан Ханзааданы кабыл алды. Бул тууралуу мамлекет башчынын маалымат кызматы билдирди. Андагы билдирүүгө ылайык, Кыргыз Республикасы менен Ага Хан Өнүктүрүү Тармагынын (АКДН) ортосундагы, тактап айтканда билим берүү, экология жана жашыл экономика чөйрөлөрүндөгү кызматташуу маселелери боюнча пикир алмашуу болду. Мамлекет башчысы Ханзаада Ага Хан IVнүн эки өлкө ортосундагы кызматташтыкты өнүктүрүүгө жана Кыргызстандын тоолуу аймактарында калктын аярлуу катмарынын жашоо шарттарын жакшыртууга кошкон зор салымын жогору бааларын айтты. Ал ошондой…