Акрык бир сутка ичинде Кыргызстанда коронавирус боюнча 202 учур катталып, 591 бейтап илдеттен айыгышты. Бул тууралуу коронавирус боюнча Республикалык шатб кабарлады. Сонку 24 сааттын ичинде Бишкек шаарында 107 учур, Ош шаарында 2, Чүй облусунда 46, Ош облусунда 2, Талас жана Нарын облустарында 3төн учур, Ысык-Көл облусунда 18, Жалал-Абад облусунда 14 жана Баткен облусунда 7 учур катталган. Өлкөдө коронавирус менен ооругандардын жалпы саны 199 164кө жетип, анын ичинен 189 983ү дартты жеңген. Учурда ооруканаларда 966 бейтап…

БИШКЕКтеги Травматологиялык жана ортопедиялык илим изилдөө борборунун жетекчиси, академик Сабырбек Жумабеков маалымат жыйын өткөрүп, Алымкадыр Бейшеналиев тарабынан өзүнүн дарегине айтылгандарга жооп берди. Жумабеков мамлекеттик мекемени эч кандай менчиктештирүү болбогонун айтып, Саламаттыкты сактоо министри Алымкадыр Бейшеналиев ага жалган жалаа жаап, далилсиз сөздөрдү айтып жатканын билдирди. Белгилей кетсек, Бейшеналиев жергиликтүү маалымат каражаттарына маек берип, Сабырбек Жумабековду БИШКЕК травматология жана ортопедия илимий изилдөө борборун менчиктештирип алууга айыптаганы тууралуу маалымат тараган. Ошондой эле ал аталган илимий борбор Шаардык клиникалык тез жардам ооруканасы болуп кайра түзүлөрү…

“Электр станциялары” ишканасынын басма сөз кызматы маалымдагандай, 2-февралга карата Токтогул суу сактагычында 8 млрд. 995 млн. метр куб суу бар. Былтыр ушул маалда 10,6 млрд. метр куб суу болгон. Былтыр март айынын аягында “Токтогулда” суунун көлөмү 8 миллиард метр кубга чейин азайган. Энергетиктер керектөөлөр өскөнүн эске алганда, кыштан кийин – 2022-жылдын 1-апрелине барып, суунун көлөмү 6 млрд. метр кубга чейин азайышы мүмкүн деп болжойт. Бирок, өкмөт Токтогул гидроэлектр станциясында (ГЭС) коллапска жол бербей турганын убада…

Министрлер Кабинетинде Камбар-Ата – 1 ГЭСин куруу жана бир катар энергетикалык объектилерди реабилитациялоо долбоорун ишке ашыруу маселеси талкууланды. Кыргыз Республикасынын Министрлер Кабинетинин Төрагасынын орун басары Азиз Аалиев энергетика тармагындагы инвестициялык долбоорлорду ишке ашырууну талкуулоо боюнча жумушчу жыйын өткөрдү. Анда Камбар-Ата – 1 ГЭСин куруу, Камбар-Ата – 2 ГЭСинин экинчи гидроагрегатын ишке киргизүү жана Токтогул ГЭСин реабилитациялоо долбоорлору тууралуу кеп жүрдү. Министрлер Кабинети улуттук энергетикалык долбоорлорду ишке ашыруу маселеси боюнча бардык кызыкдар инвесторлор, өнөктөштөр жана эл аралык каржы…

Кыргызстанда алгачкы жолу жүргүнчү автобустары өндүрүлдү. Бул тууралуу жергиликтүү маалымат каражаттары жазышты. Биринчи Made in KG BELES аттуу автобусу европалык DAF автоконцерни менен биргеликте өндүрүлүп пилоттук түрдө чыкты. Маалыматка караганда, автобустун кемчиликтери оңдолуп чыккандан кийин, газ жана электро кыймылдаткычтары менен жүргөн шаарга ылайыкташтырылган  жүргүнчү автобустарын чогултуу линиясын орнотуу пландалууда. Азырынча автобус тууралуу расмий маалымат бериле элек.

Баткен облусундагы абалга байланыштуу эвакуацияланган жарандар туруктуу жашаган жерлерине кайтып барышууда. Бул тууралуу Өзгөчө кырдаалдар министрлиги билдирди. Жарандарды кайра көчүрүү иши Жарандык коргонуунун атайын бөлүнгөн техникалары менен ӨКМдин Баткен облустук башкармалыгынын куткаруучулары тарабынан жүргүзүлүүдө. Маалыматка ылайык, жарандар өздөрүнүн жеке унаалары менен да үйлөрүнө кайтып жатышат. Белгилей кетсек, Баткен облусу боюнча 11 миң 52 адам эвакуацияланып, алардын ичинен 10 миң 410и туугандарынын үйлөрүнө, 642 киши жарандарды коопсуз жайга жайгаштыруу максатында даярдалган 7 пунктка жайгаштырылган. Аталган пункттарда…

Улуттук коопсуздук боюнча мамлекеттик комитетинин (УКМК) төрагасы Камчыбек Ташиев кыргыз-тажик чек арасындагы окуяга байланыштуу Баткенге барды. УКМКнын Чек ара кызматынан билдиришкендей, 28-январь, саат 08:00гө карата кыргыз-тажик мамлекеттик чек ара аймагындагы Самаркандык, Төрт-Көчө, Көк-Таш, Дахма, Көчө-Бою жана Головной жерликтериндеги кырдаал туруктуу деп мүнөздөлөт. Чек ара кызматынан кошумчалашкандай, түн тынч өттү. Чек ара кызматы кырдаалды көзөмөлдөп турат.

Министрлер кабинети быйыл өлкөдө жогорку ылдамдыктагы 5G технологиясын ишке киргизүүнү пландап жатат. Маалыматка ылайык, мындай демилге 2026-жылга чейин Кыргыз Республикасын өнүктүрүүнүн улуттук программасын ишке ашыруу боюнча бекитилген планда жазылган. Долбоор 2022-жылдын биринчи кварталынан 2023-жылдын төртүнчү кварталына чейин, Санариптик өнүктүрүү министрлиги тарабынан ишке ашырылмакчы. Биринчи этапта бийлик технологияны тесттик режимде ишке ашырып көрүүнү пландап жатат. Ага чейин радиожыштыктын тилкесин аныктап, тесттик текшерип көрүүнүн сценарийин түзүп, технология жайгашчу пилоттук зонанын аянтын аныктоо сыяктуу маселелер чечилмекчи. Маалыматта 5G…

24-январда Кыргызстандын Ирандагы элчиси Турдакун Сыдыков Тегеранда Ирандын энергетика министри Алиасгар Мехрабиан менен жолугушту. Жолугушууда Сыдыков Ирандын энергетика министрине Кыргызстандын гидроэнергетикалык мүмкүнчүлүгү тууралуу маалымат берип, президент Садыр Жапаров экологиялык жактан таза энергиянын кайра жаралуучу булактарын өнүктүрүүгө, анын ичинде ГЭСтерди курууга өзгөчө көңүл буруп жатканын белгиледи. Кыргыз элчиси иран тараптын кароосуна жана изилдөөсүнө бир катар инвестициялык долбоорлорду, анын ичинде Кыргызстандын аймактарында орто жана чакан ГЭСтерди курууну сунуш кылды. Өз кезегинде Мехрабиан иран тараптын Кыргызстан менен гидроэнергетика жана суу ресурстарын сарамжалдуу пайдалануу жаатында кызматташууга даярдыгын…