Принтер Италияда кылмыштуу топтун 30 жылдан бери издөөдө жүргөн башчысы Маттео Мессина Денаро кармалды. Полиция ал камакка алынганын 16-январда билдирди. Сицилиянын борбор шаары Палермодо колго түшкөн Мессина Денаро Cosa Nostra мафиясынын башчысы экени айтылып келген. 1992-жылы антимафияга каршы прокурорлор Жованни Фалькон менен Паоло Борселлинонун өлүмүнө күнөөлөнүп, сыртынан өмүр бою эркинен ажыратылган. Ал Флоренцияда, Римде жана Миланда болгон жардырууларга катышкан деген негизде өмүр бою эркинен ажыратылышы мүмкүн экени айтылууда.

Кыргызстандан чет өлкөлүк накталай валютаны алып чыгууга убактылуу тыюу салынды. Мындай чечимге Министрлер кабинетинин төрагасы Акылбек Жапаров кол койгону 16-январда өкмөттүн сайтына жарыяланды. Буга өлкөдө каржы-экономикалык коопсуздукту камсыз кылуу, ички валюта рыногундагы кырдаалды турукташтыруу, ошондой эле улуттук кызыкчылыктарды коргоо себеп болгону жазылган. Чечимге ылайык, чет өлкөлүк жарандарга 5 миңден, кыргызстандык жарандарга 10 миңден көп АКШ долларын алып чыгууга тыюу салынды. Эгер сыртка ташылып бараткан акчанын көлөмү коюлган чектен көп болсо, ашкан суммадан 10% төлөм алынат….

 Кытайда декабрдын башында коронавирустук чектөөлөр жеңилдетилгенден кийин COVID-19дан дээрлик 60 миңдей киши өлгөн.  Бул тууралуу Кытай бийлиги билдиргенин Reuters агенттиги жазды. Кытайдын Улуттук саламаттык сактоо комиссиясы 8-декбардан 12-декабрь аралыгында COVID-19га байланыштуу себептер менен 59 938 киши өлгөнүн ырастоодо. Алардын арасынан 5503 адам коронавирус инфекциясынан дем алуу кыйындагандан улам көз жумган, калгандары – коронавирус инфекциясы башка ооруларды козгогондон улам каза болушкан.Бийликтин отчетунда бул “COVID-19 менен байланышкан өлүмдөр” ооруканаларда катталганы айтылат, демек, үйдө каза болгон адамдар статистикага…