Армения Азербайжанга төрт көзөмөлүндөгү айылды өткөрүп берди.  Армения жана Азербайжан биринчи жолу чек араны делимитациялоо боюнча макулдашууга жетишти. Бул тууралуу Армениянын ТИМи жана Азербайжандын вице-премьери Шахин Мустафаев билдирди. Билдирүүлөрдө айтылгандай, тараптар «Советтик Союздун алкагында бул өлкө кулаганга чейинки мезгилде күчүндө болгон чек арага ылайык» төрт калктуу конуштун  «айрым чек ара линиясын алдын ала макулдашышты» деп билдирет  Медуза. Жүргүзүлгөн делимитация иш жүзүндө Азербайжан ССРинин курамында болгон, ал эми 1990-жылдардан тартып Армениянын көзөмөлүнө өткөн төрт селонун иш…

Ирандын президенти Ибрахим Раиси бүгүн, 22-апрелде Пакистанга үч күндүк расмий сапар менен барды. Раисини бул сапарында жогорку даражалуу делегация, анын ичинде Ирандын тышкы иштер министри Хоссейн Амир Абдоллахиан жана башка өкмөт мүчөлөрү, ошондой эле бизнес өкүлдөрү коштоп барды. Сапардын алкагында Иран президенти Пакистандын президенти Асиф Али Зардари жана премьер-министр Шахбаз Шариф менен жолугушат. Иран президенти ошондой эле Лахор жана Карачи шаарларына да барат. Пакистандын Тышкы иштер министрлигинин маалыматына караганда, сапардын жүрүшүндө иран-пакистан алакаларын чыңдоо жана соода, коммуникация,…

21-апрелге караган түнү Израилдин Газа тилкесинин түштүгүндөгү Рафах шаарына жасаган соккусунан 18 адам, анын ичинде 14 бала набыт болгон. Буга байланыштуу БУУнун Балдар фонду ЮНИСЕФ билдирүү жасап, Рафахтагы согушту жана бейкүнөө балдардын өлтүрүлүшүн тез арада токтотууга чакырды. ЮНИСЕФ Израилдин Иордан дарыясынын батыш жээгинде жайгашкан Тулкарм шаарындагы операциясында үч палестиналык баланын шейит болгонун да билдирди. Израиль Газанын 2,3 миллион калкынын жарымынан көбү башка жерлердеги согуштук аракеттерден баш калкалаган Рафахка дээрлик күн сайын абадан чабуул жасап келет….