20-21-июнь күндөрү  Минск шаарында Кыргызстандын төрагалыгы астында Евразия өкмөттөр аралык кеңешинин жыйыны өтөт. Бул тууралуу Министрлер Кеңешинин  маалымат кызматы билдирди. Евразиялык өкмөттөр аралык кеңештин жыйынына Евразия экономикалык биримдигине кирген өлкөлөрдүн, интеграциялык бирикменин байкоочу мамлекеттеринин өкмөт башчылары, Евразия экономикалык комиссиясынын Коллегиясынын Төрагасы катышат.  Күн тартибинде электрондук соода, бажы кызматташтыгы маселелерин талкуулоо, мурда берилген тапшырмалардын аткарылышы боюнча отчет каралган.  Жыйындын жүрүшүндө өкмөт башчылары ошондой эле товарларды идентификациялоо жолу менен маркировкалоону киргизүү, өнөр жайдын артыкчылыктуу жана жогорку технологиялуу…

2021-жылдын аягына карата дүйнөдө качкын балдардын саны Экинчи Дүйнөлүк Согуштан берки рекорддук көрсөткүчкө жеткен. Бул тууралуу ЮНИСЕФтин сайты жазды. Маалыматка караганда, 2021-жылы 36,5 миллион бала үйлөрүн таштап кеткен, анын ичинде 13,7 миллиону качкындар жана баш калкалоого муктаждар. Ошондой эле 22,8 миллион жашы жете элек балдар өз өлкөсүндө жер которушкан. БУУ бул отчетуна климат жана экологиялык көйгөйлөрдөн улам үйлөрүн таштап кетүүгө аргасыз болгон, ошондой эле Украинадагы согуштук аракеттерден жапа чеккен балдарды кошкон эмес. Фонддун маалыматына караганда,…

Улуу Британиянын ички иштер министри Прити Патель WikiLeaks сайтынын негиздөөчүсү Жулиан Ассанжды экстрадициялоо тууралуу АКШнын өтүнүчүн колдоду. “17-июнда магистраттык жана Жогорку сот тарабынан каралгандан кийин Жулиан Ассанжды АКШга экстрадициялоо чечими кабыл алынды. Ассанж мырзада чечимдин үстүнөн даттанууга 14 күн убактысы бар”, – деп айтылат министрликтин билдирүүсүндө. Британиялык сот былтыр бул боюнча Вашингтондун өтүнүчүн четке каккан эле. Сот Ассанжды АКШга өткөрүү анын психикалык саламаттыгына залакасын тийгизет деп чечкен болчу. Кошмо Штаттардын өкмөтү 50 жаштагы австралиялык жаранды…

Казакстандын президенти Касым-Жомарт Токаев Санкт-Петербургдагы Эл аралык экономикалык форумга катышып, бир катар темаларда пикирлери менен бөлүштү. Форумдун 17-июнь күнкү отурумунда ал Орусиянын президенти Владимир Путин менен бир пленардык жыйынга чыкты. Бул күнкү жыйынды алып барган RT телеканалынын башкы редактору Маргарита Симоньян Токаевге ачык суроо коюп, “Донецкидеги жана Луганскидеги түзүмдөрдү Казакстан тааныйбы?” деп сурады. Казак президенти ага Нур-Султан аларды тааныбай турганын айтты. “Азыркы эл аралык укук Бириккен Улуттар Уюмунун уставына негизделет. Бирок анда камтылган эки принцип…

Кол салууда каза болгондор тууралуу маалымат берилген жок. Израиль аскердик учактары Газа тилкесинин ортоңку бөлүгүндө бир аймакка кол салды.  Израиль армиясынан бул тууралуу жасалган кыскача маалыматта аскердик учактардын Хамас Кыймылынын куралдуу канаты Иззеддин ел  –  Кассам полкторуна таандык бир аймакка кол салгандыгы билдирилди бирок кенен маалымат берилген жок.  Кол салууда каза болгондор тууралуу маалымат берилген жок. Кол салуу Израилдин Газадан атылган бир ракетанын атып түшүрүлгөндүгүн билдирүүсүнөн кийин болду. 

Кол салууда 3 палестиналык каза болуп, 8 киши жаракат алды. Израиль күчтөрү оккупацияга алган Батыш Шеринанын Женин шаарына жасаган кол салуусунда 3 палестиналык каза болуп, 8 киши жаракат алды. Саламаттыкты сактоо министрлигинен берилген маалыматта : “Женин шаарында Израиль аскерлери аткан октор менен 3 палестиналык шейит болуп, 8 киши да жаракат алды”,- деп билдирилди.  Палестинанын мамлекеттик телеканалынын кабарына караганда каза болгон палестиналыктардын Бера Лехлух, Лейс Эбу Сурур жана Юсуф Салах экени аныкталды. Көргөн күбөлөр Израиль аскерлеринин…

Кечээ, 16-июнда Украинанын президенти Владимир Зеленский Киевге келген Германиянын канцлери Олаф Шольц, Франциянын президенти Эммануэль Макрон, Италиянын премьер-министри Марио Драги жана Румыниянын президенти Клаус Йоханнис менен жолугушту. Бул тууралуу чет элдик басылмалар жазды. Жолугушуудан кийин Зеленский ЕБдин башчылары менен бирге маалымат жыйын өткөрдү. Италиянын премьер-министри Марио Драги өлкө Украинаны Евробиримдиктин бөлүгү катары көргүсү келерин билдирди. Европа лидерлери Киевге тез арада уюмга талапкер деген макамды берүү идеясын колдошту. Зеленский менен ЕБдин лидерлери Россиянын Киевге каршы атайын операциясы башталгандан бери анын айланасындагы маселелерди биринчи жолу жекеме-жеке талкуулашты. Макрон Франция…

ДЕАШ менен күрөшүү коалициясы  Сирияда жүргүзгөн операцияда террордук уюм ДЕАШтын негизги башчыларынын бирөөсүн колго түшүргөндүгүн билдирди. Америка Кошмо Штаттарынын жетекчилигинде ДЕАШ менен күрөшүү коалициясы  Сирияда жүргүзгөн операцияда террордук уюм ДЕАШтын негизги башчыларынын бирөөсүн колго түшүргөндүгүн билдирди. Биргелешкен ыкчам топтун «Табигый чечкиндүүлүк» операциясынан берилген жазуу түрүндөгү маалыматта : «Коалиция күчтөрү 16 –  июнда Сириядагы бир операцияда ДЕАШтын жогорку мартабалуу  лидерин камакка алды. Камакка алынган кишинин уюмдун тажрыйбалуу бомба жасоочусу, топтун Сириядагы жогорку мартабалуу  башкаруучуларынын бири»,- деп билдирилди. Операциянын…

15-июнда Кошмо Штаттар Украинага 1 миллиард долларга жакын суммага кошумча курал-жарак берилерин жарыялады. Украин президенти Владимир Зеленский менен телефон аркылуу сүйлөшүүдө АКШ президенти Жо Байден Штаттар жардамын уланта берерин билдирди. Анын билдирүүсүндө “Жашоосун бул согуш үзгүлтүккө учураткан украин элине колдоо көрсөтүү уланары” айтылды. Кезектеги жардамдын курамына реактивдүү системалар үчүн ракеталар, гаубицалар жана кошумча тетиктер кирет. 15-июнда АКШнын коргоо министри Ллойд Остин Брюсселде союздаш өлкөлөрдүн коргоо министрлери менен жыйын куруп, Украинага жардам маселесин талкуулады. Ал Украина…

Италиянын премьер-министри Марио Драги, Франциянын президенти Эммануэль Макрон жана Германиянын федералдык канцлери Олаф Шольц Украинага барышты. Бул тууралуу маалыматты италиялык телеканал RaiNews24 кабарлаганын РИА Новости жазды. Маалыматка караганда, аталган каналдын таңкы жаңылыктарында Драги, Макрон жана Шольцтун поездде столдо баарлашып жаткан учурундагы сүрөтүн көрсөткөн. Буга чейин чет элдик басылмалар украин жана француз өкмөттөрүндөгү булактар Драги, Макрон жана Шольц Киевге барууну пландап жатышканын маалымдаган. Кийинчерээк алар Украинанын борборуна бейшемби күнү эртең менен поезд менен келээри белгилүү болгон. Евробиримдиктин лидерлери Киевде Украинанын президенти Владимир Зеленский менен…

Эки өлкөнүн чек арасын аныктаган алгачкы документ катары 1925-1927-жылдардагы келишим айтылат. Тажикстан ушул документти бетке кармайт. Эгер муну менен сүйлөшүү жүрсө, анда Тажикстан өзүнүн 45 пайыз аймагын жоготот. Ошого карабай, ушул документти көтөрө берет. Экинчиси, Кыргызстан карманган, 1955-1958-жылдары Өкмөттөрдүн деңгээлинде такталган документ. Муну Кыргызстан, Тажикстан жана Өзбекстандын Өкмөттөрү даярдап, иштеп чыгып, макулдашуу болгон менен парламенттердин ратификациясынан өтпөй калгандыктан, көйгөй ушул жерде калып кеткен. Ошентип кошуналар буга ынанбайт. Ал эми үчүнчүсү 1991-жылы кабыл алынган “Беловежа макулдашуусу”…

Мындай божомол Henley&Partners аналитикалык агенттигинин глобалдык миграция боюнча иликтөөсүндө айтылды. Иликтөө үчүн маалымат чогулткан аналитик Эндрю Амойлс: “Россия миллионерлерин жоготууда. Акыркы он жылдан бери бай кишилер Россиядан жыл сайын эмиграцияланууда. Бул өлкө туш болгон кыйынчылыктар жөнүндө алдын ала эскертүү. Ири өлкөлөрдүн кыйрашы дайыма бай кишилердин эмиграциясынын тездеши менен коштолгон. Алардын каражаты бар болгондуктан, биринчилерден болуп чыгып кетишет”, – деген. Талдоочулар АКШ менен Улуу Британия россиялыктардын эмиграциясы үчүн анчалык ыңгайлуу эмес экенин айтышат. Себеби алардын байлыгына байланыштуу…

Кубада былтыр июлда нааразылык акцияларына чыккан 381 адамга сот өкүмү чыкты. Өлкөнүн Башкы прокуратурасы кабарлагандай, алардын баары эркинен ажыратылды. Башаламандык чыгарууга тиешеси бар 36 адам беш жылдан 25 жылга чейин соттолду. “Хосе Марти” радиосу Cuban Prisoners Defenders уюмуна таянып кабарлагандай, кеминде 37 жашы жете элек бала жоопкерчиликке тартылган, алардын кеминде 23ү соттолду. 2021-жылдын 11-июлунда Кубада жашоо деңгээлинин начарлап кетишине, азык-түлүктөрдүн жана биринчи муктаждыктагы товарлардын тартыштыгына, кымбатчылыкка жана коронавирус пандемиясы учурунда саламаттык сактоо системасынын жакшы иштебегенине…