Биринчи Май районунун Тимирязев көчөсүндө жайгашкан күйүүчү май сактоочу кампадан чыккан өрт саат 10:51де толук өчүрүлгөн. Бул тууралуу Өзгөчө кырдаалдар министрлигинин басма сөз кызматы билдирди. Өрттү өчүрүүгө ӨКМдин 5 өрт өчүрүүчү бөлүмү, 1 суу ташуучу унаа, Штаб, Кризистик кырдаалдарда башкаруу борборунун ыкчам топ, Бишкек шаардык Куткаруу кызматынан 4 куткаруучусу, мындан сырткары ИИМ, тез жардам жана РЭТ кызматкерлери тартылган. Өрттүн жалпы аянты, материалдык чыгымдары жана өрттүн келип чыгуу себеби такталууда. Жабыркагандар жана каза болгондор катталган жок.

Бишкекте пластикти кайра иштетүүчү завод ишке берилгенин мэриянын маалымат кызматы билдирди. Маалыматка караганда, пластикти кайра иштетүүчү заводду “Begreen Бишкек Экология” компаниясы ачкан. Заводдо желим чогултуудан тышкары, синтепон буюмдарды да даярдап чыгаруу пландалууда. Ишкананын ачылышына мэриянын жана «Begreen Бишкек Экология» компаниясынын өкүлдөрү, жергиликтүү тургундар катышкан. “Begreen Бишкек Экология” компаниясы борбор калаага 530 экологиялык таштанды челектерди орноткон.

“Кумтөрдөн” түшкөн таза киреше январга карата 300 миллион долларга жетерин билдирди. Кыргызстан “Кумтөрдүн” үзүрүн келерки жылдан тартып көрө баштайт жана январь айына карата бул ишканадан түшө турган таза киреше 300 миллион долларга жетет деп болжолдонууда. Бул тууралуу  19-декабрда Жалал-Абадда жергиликтүү эл менен жолугушууда президент Садыр Жапаров билдирди. Мамлекет башчысы “Кумтөр” 100% Кыргызстандын колунда экенин, кол коюу процедуралары гана калганын, кол коюларын, эч кандай көйгөй жок экенин айтты жана кирешеге келерки жылы айлык-пенсия көбөйтүлүп, бир катар…

КР УКМКнын Чек ара кызматынын куралдануусуна «Байрактар» учкучсуз учуучу аппараттар келип түштү. Кыргыз Республикасынын Президенти Садыр Жапаров  18-декабрда, Кыргыз Республикасынын Улуттук коопсуздук мамлекеттик комитетинин Чек ара кызматынын куралдануусуна берилген «Байрактар» учкучсуз учуучу аппараттарды көрүп чыкты. Мамлекет башчыга бул аппараттарды башкаруу системасы тууралуу айтып, алардын ишин көрсөтүштү. Аталган аппараттар толугу менен республикалык бюджеттин каражаттарына сатылып алынды   жана өлкөнүн коргонуу коопсуздугун камсыз кылуу, анын ичинде мамлекеттик чек араларды кайтаруу үчүн колдонулат.

«Жашыл экономика» түшүнүгү Кыргызстанда да кеңири таркап, маанилүү тармакка айланууда. Абанын булгануусунун алдын алууда электр транспорту өзгөчө орунду ээлейт. Кыргызстанга электромобилдерди алып келүүнүн мааниси жана зарылчылыгы тууралуу кененирээк төмөндө. «Кыргызстан — жашыл экономика өлкөсү» концепциясын ишке ашырууга эл аралык уюмдар көмөктөшүүдө. Азыркы тапта Бишкекке электробустарды алып келүү, аларды кубаттоочу түзүмдөрдү орнотуу боюнча сүйлөшүүлөр жүрүп жатат. Азия өнүктүрүү банкы Кыргызстанга 50 млн. 650 миң доллар каржылык жардам көрсөтүүнү чечкен. Анын 25 миллион доллары насыя, 25 миллион…

Кыргызстандын туңгуч президенти Аскар Акаев Кыргызстанга Кумтөр иши боюнча дагы бир ирет сурак берүү үчүн келди. Бул туурасында анын жакындары билдиргенин жергиликтүү маалымат каражаттары жазышты. Буга чейин, Акаев кечээ, 14-декабрь таңга маал Москва — Бишкек каттамы боюнча уулу Илим Акаев менен бирге учуп келгени маалымдалган.  Маалыматка караганда, Акаевдин жакындары анын сапары Кыргызстандын укук коргоо органдары менен макулдашылганын, ал Кумтөр кенинин айланасындагы кылмыш иши боюнча УКМКга эки күн сурак берип, кайра кетерин билдиришкен.  Эскертке кетсек, ушул жылдын август айында Аскар Акаев 16…

Кыргызстандын биринчи президенти Аскар Акаев Кыргызстанга учуп келди. Бул тууралуу бүгүн, 14-декабрда «АКИpress» агенттиги өздүк булактарына таянып билдирди. Алдын ала маалыматтар боюнча, ал Москва-Бишкек каттамында саат 04:40та уулу Илим менен келген. Кыргызстандын тунгуч президентинин өлкөгө келгени тууралуу маалыматты анын жанында жүргөн адамдар тастыкташкан. Анын Бишкекке эмне себептен келгени азырынча белгисиз.

Кыргызстан калк үчүн эң арзан электр энергиясы боюнча дүйнөлүк рейтингде төртүнчү орунду ээледи. Ресурстардын баасын Cable.co.uk порталынын британиялык эксперттери талдап чыгышты. Изилдөчүлөрдүн маалыматы боюнча, Кыргызстанда бир киловатт-саат электр кубаты 0,017 доллар турат. Ал эми Тажикстанда электр энергиянын баасы Өзбекстандыкынан арзан жана Кыргызстандын ресурстарынан кымбат болгон. Алсак, Тажикстанда бир киловатт-саат 0,023 доллар болуп 6-орунда, Ташкент 7-орунда (0,027 доллар), Казакстан 16-орунда (0,039 доллар), Орусия 22-орунда (0,050 доллар) турат. Ошол эле учурда дүйнөдөгү эң арзан электр энергиясы Ливияда….

БШК Жогорку Кеңештин депутаттарын шайлоодогу добуштарын кол санак менен эсептөөнүн 100 пайыздык жыйынтыгын серверге киргизип бүттү. Боршайкомдун бюллетендерди эсептөөнү онлайн режиминде көрсөткөн порталынан шайлоодо талапкер көрсөткөн 21 партиянын алтоо 5 пайыздык босогодон өткөнүн көрүүгө болот. 1. «Ата Журт Кыргызстан» — 17,30% (223 миң 892 добуш); 2. «Ишеним» — 13,63% (176 миң 382 добуш); 3. «Ынтымак» — 10,99% (142 миң 267 добуш); 4. «Альянс» — 8,34% (107 миң 859 добуш); 5. «Бүтүн Кыргызстан» — 7,04% (91…

Токтогул суу сактагычында агып кирген сууга караганда, агып чыккан суунун көлөмү көп болууда. Бүгүн, 7-декабрда суу сактагычтагы суунун көлөмү 10 млрд. 874 млн. куб метрди түздү. Бул тууралуу «Электр станциялары» ААК маалымдады. Маалыматка ылайык, суунун агып келиши секундасына 147 куб метрди түзсө, агып чыккан суунун көлөмү 422 куб метрге жетүүдө. Быйыл суунун аздыгынан Кыргызстан энергетикалык каатчылыкка кабылды. Энергетиктер жылытуу мезгилинен кийин суу сактагычта 6-7 миллиард куб метр гана суу калышы мүмкүн деп чочулашууда. Бул Токтогул…

2022-жылдын 1-январынан баштап дыйкандар менен фермерлер жер салыгынан бошотулат. Бул тууралуу президент Садыр Жапаров өзүнүн соцтармактагы баракчасына билдирүү жасады. “Жарлыкка ылайык, дыйкандар менен фермерлер жер салыгынан бошотулат. Бул иш аз да болсо сиздерге жеңилдик берүү, дыйканчылыкты колдоо максатында болуп жатат. 2022-жылдын 1-январынан баштап сугат жер, кайрак жер, жайыт жана чөп чабыш жерлерге салык төлөбөйсүздөр. Сиздер төлөй турган салыкты өкмөт республикалык казынадан төлөп турат. Мындан сырткары, келе жаткан жылы дыйкандар менен фермерлерге жылдык үстөк 6 пайыз…