Кытайда күчү 6,8 баллга жеткен жер титрөөнүн кесепетинен каза тапкандардын саны 46га жетти. Бул тууралуу жергиликтүү бийлик билдиргенин Синьхуа агенттиги жазды. Жер титирөө түштүк-батыштагы Сычуань провинциясында болгон. Кытайдын сейсмология борбору жер титирөөнүн очогу Лудин уездинен 39 чакырым алыстыкта жайгашканын билдирди. Маалыматка караганда, Ганзиде 29 адам, Яань аймагында 17 адам каза болгону такталып, дагы16 адам дайынсыз болуп жатат. Жоготуулардын саны дагы өсүшү мүмкүн экени айтылды. Кытайдын төрагасы Си Цзиньпин Сычуандагы жер титирөөгө байланыштуу издөө-куткаруу иштерин жүргүзүп,…

Тажикстандан башпаанек тапкан ооган качкындары тажик президенти Эмомали Рахмонго ачык кат менен кайрылышты. Бул тууралуу “Avesta” маалымат агенттиги жазды. Качкындар өз кайрылууларында мамлекет башчысын качкындарды жана башпаанек издегендерди талиптер бийликте турган Ооганстанга мажбурлап кайтаруу процессин токтотууну суранышты. Соңку күндөрү Тажикстандын аймагынан 100дөн ашуун ооган качкындары өз мекенине күч менен чыгарылганы кабарланган.Бирок тажик бийлиги бул боюнча эч кандай комментарий бербей жана мындай аракеттердин себептерин түшүндүрө элек. “Көптөгөн оогандыктар тирүү калып, балдарына келечек тартуулоо үчүн өз үйлөрүн…

Президент Садыр Жапаров КЭР Төрагасы Си Цзиньпинге Сычуань провинциясындагы жер титирөөдө адам курмандыктары болгондугуна байланыштуу көңүл айтты. Бул тууралуу мамлекет башчынын маалымат кызматы билдирди. “Кытай Эл Республикасынын Сычуань провинциясында жер титирөөнүн кесепетинен адамдар каза болгону жана жаракат алганы тууралуу суук кабарды терең кайгыруу менен кабыл алдым. Кыргыз Республикасынын элинин атынан жана жеке өзүмдүн атымдан каза болгондордун үй-бүлөлөрүнө жана жакындарына чын жүрөктөн көңүл айтам. Бул каргашалуу окуянын кесепетинен жапа чеккендердин тезирээк сакайып кетүүсүн каалайм. Ушул оор мезгилде биз орду толгус…