Орусия Федерациясынын субъектиси – Дагестан Республикасынын Дербент шаарынын аскердик комиссариаты калаада жашаган эркек тургундарынын бардыгын аларга келип кетүүсүн талап кылды. Комиссарлар шаардын көчөлөрүн аскердик автоунаа менен кыдырып, үн күчөткүч менен ушундай кайрылуу жасады. Мындай формадагы чакырууну “Осторожно, новости” Телеграм-каналы жарыялады. “Эркин Европа/Азаттык радиосунун” “Кавказ.Реалии” долбоорунун журналисттери комиссариатка катардагы жаран катары чалып байланышкан учурда муну ырасташкан. Алар “эгер аскердик билет болсо, дароо аскердик комиссариатка келгиле, бизге зарыл болсоңор алып калабыз, зарыл болбосоңор кайра коё беребиз” деп…

 Россия бийлиги мобилизациядан кийин өлкөдөн чыгып кеткен жарандардын аты-жөндөрүн каттоого алууда. Бул тууралуу 28-сентябрда Мамдуманын төрагасы Вячеслав Володин билдирди. Ал тизме эмне себептен түзүлүп жатканын так айткан жок. “Алар чыгып кетип жатканын, ким кетти, эмне үчүн кетти, эч ким көргөн-билген жок деп ойлоп жатасыңарбы?”– деди Володин Думанын жыйынында. Анын айтымында, россиялыктар мобилизациядан качып, Москва “туруктуулукту түзүп койгон” Евразиялык экономикалык биримдикке мүчө өлкөлөргө кетип жатышат. Мамдума төрагасы кеткендер кайта турганын билдирди. Чек арадагы кезекке байланыштуу качкындардын көбү Россияда…

  Жогорку Кеңеш чек арадагы жаңжал боюнча эл аралык уюмдарга кайрылат. Жогорку Кеңеш кыргыз-тажик чек арасындагы куралдуу кагылышуу боюнча Бириккен Улуттар Уюмунун (БУУ) Коопсуздук кеңешине жана башка эл аралык уюмдарга кайрылуу жөнөтүү чечимин кабыл алды. Депутаттар тийиштүү чечимге парламенттин 29-сентябрдагы жыйынында добуш беришти. Эл аралык иштер, коргоо, коопсуздук жана миграция боюнча комитетинин төрагасы Чыңгыз Айдарбеков кайрылуунун текстин аталган комитет даярдаганын билдирди. “Бул Жогорку Кеңештин БУУнун Коопсуздук Кеңешине жана башка уюмдарга Тажикстандын Кыргызстанга жасаган куралдуу агрессиясы боюнча кайрылуусу”, –…

Эртең, 30-сентябрда Москвада референдум өткөрүлгөн Донбасс, Херсон жана Запорожье облустарын Россияга кошуу боюнча келишимдерге кол коюлат. Бул тууралуу өлкө башчысынын басма сөз катчысы Дмитрий Песков билдиргенин орус басылмалары жазышты. “Эртең (30-сентябрда) Кремлдин Чоң сарайында, Георгий залында, саат 15:00дө (Москва убактысы боюнча) Россия Федерациясына жаңы аймактарды киргизүү боюнча келишимдерге кол коюу аземи болот”, – деп билдирди Дмитрий Песков. Маалыматка караганда, иш-чаранын алкагында референдум өткөн төрт аймак менен келишим түзүлөт. Салтанаттан кийин Путин кайрылуу жасайт. Эске салсак,…

  Россияда 21-сентябрда жарым-жартылай мобилизация жарыялангандан бери Кыргызстан менен Казакстанга 100 миңден ашуун россиялык жаран кирген. КР Санариптик өнүктүрүү министрлигинин маалыматына караганда, 21-сентябрдан баштап Кыргызстанда Россиянын 3 миң 526 жараны каттоодон өткөн. Министрликтин маалыматы боюнча, 2022-жылдын сегиз айында Кыргызстанда Россиянын 170 миң 3 жараны каттоодон өткөн. Ал эми өткөн жылдын ушул эле аралыгында Кыргызстанда Россиянын 141 миң 323 жараны катталган. Казакстандын Ички иштер министрлигинин Миграция кызматы комитетинин төрагасынын милдетин аткаруу Аслан Аталыков 21-сентябрдан бери Казакстанга 98…

 Талибан ооган медиа кызматкерлеринин ишмердүүлүгүнө жаңы чектөөлөрдү киргизди. Бул тууралуу чет элдик басылмалар жазышты. Маалыматка караганда, Ооганстанда мындан кийин  эркек жана аял алып баруучулар программаларды чогуу алып баруусу мүмкүн эмес. Ошондой эле, телеканалдардын директорлоруна жаңы буйрук берилип, ага ылайык, эми аялдардын маектери жүздөрү жабылып гана көрсөтүлмөкчү. Мындан тышкары, талиптер массалык маалымат каражаттарынын жетекчилерине саясий программаларга конокторду өздөрү тандай тургандыктарын эскертишкен. Белгилей кетсек, Талибан буга чейин да Ооганстандагы маалымат каражаттарына көптөгөн чектөөлөрдү киргизип келген. Аял телеалыпбаруучулар…

  Баткен облусттук акимчилигинин алдында бүгүн, 27-сентябрда жергиликтүү жашоочулар чогулушуп, кыргыз-тажик чек арасы боюнча кабыл алынган соңку чечимдер туурасында  кеңири түшүндүрмө берүүнү талап кылышты. Бул акцияга Баткен районунун Ак-Сай, Самаркандек жана чек ара тилкесинде жайгашкан башка дагы айылдардын тургундары катышты. Чогулгандар менен Баткен облусунун башчысы Абдикарим Алимбаев жолугушту. Алар Улуттук коопсуздук боюнча мамлекеттик комитеттин (УКМК) төрагасы Камчыбек Ташиевдин тажик тарап менен кол коюлган протокол тууралуу ачык маалымат берүүсүн талап кылышты. Белгилей кетүүчү жагдай, ушул жылдын 25-сентябрында  УКМКнын төрагасы Камчыбек Ташиев…

Кошмо Штаттар жана Батыштын бир нече мамлекети Бириккен Улуттар Уюмунун (БУУ) Адам укуктар боюнча кеңешинде Кытай бийлигинин Шинжаңдагы мусулмандарга каршы жасалган катаал мамилесин талкуулоону сунуштады. Дипломаттар билдиргендей, АКШ, Канада, Британия, Дания, Финляндия, Исландия, Норвегия жана Швециянын сунушу жактырылса, маселе кийинки жылдын башындагы жыйындын күн тартибине коюлат. “Биз адам укуктарынын системалуу олуттуу бузулушуна көз жумуп жүрө албайбыз. Бул кеңеш унчукпай кала албайт жана калбаш керек”, – деди Британиянын БУУдагы элчиси Саймон Мэнли. Адам укуктары боюнча башкармалыктын…

Иранда студент кыздын өлүмүнө байланыштуу тутанган элдик толкундоолордо кеминде 57 киши өлгөнүн өлкөдөгү Адам укуктары уюму билдирди. Уюмдун 25-сентябрдагы маалыматына караганда, Иранда интернет чектелгендиктен каза болгондордун санын так аныктоо мүмкүн эмес. Расмий маалыматтарга караганда, демонстранттар жана күч түзүмдөрүнүн кагылышуусунан 41 киши каза болду. 22 жаштагы Махса Амини аттуу студенттин өлүмүнө байланышуу тутанган башаламандыктар он күндөн бери уланып келет. 13-сентябрда Тегеранда адеп-ахлак полициясы аны көчөдө хижабсыз жүргөнү үчүн деген негизде кармап кеткен. Амининин абакта каза болгону…

 Россиянын Ижевск шаарындагы №88 мектепте белгисиз куралчан адам тарабынан атылган октон 13 киши мерт болду. Маалыматка караганда, ок тийип каза болгондордун жетөө мектеп окуучулары. Мындан тышкары, 20га жакын киши жарадар болду. Балдардын көбү мектептин терезесинен секирип оор жаракат алышкан. Окуя бүгүн, 26-сентябрь эртең менен болгон. Удмуртиянын башчысы Александр Бречалов куралдуу кол салуудан 20га жакын адам жабыркаганын билдирди.  Учурда каза болгондор жана жаракат алгандар боюнча так маалыматтар такталууда. Ок аткан адам окуядан кийин өз жанын кыйган, анын…

Кабулда мечиттин жанындагы жарылуудан 7 адам өлүп, 41 адам жаракат алды. Бул тууралуу Ооганстанды башкарып жаткан “Талибан” кыймылынын өкүлдөрү кабарлады. 23-сентябрдагы жарылуу Вазир Акбар-Хан районунда катталды. Бул кварталда мурда бир катар чет элдик элчиликтер, НАТОнун өкүлчүлүгү жайгашкан, учурда аны талибдер көзөмөлдөйт. Талибдердин өкмөтүнүн маалыматына караганда, жарылуу жума күнкү намаздан чыгып бараткан учурда катталган. Жардырууга азырынча эч бир топ жоопкерчилик ала элек. Коопсуздук күчтөрү окуя болгон жерди курчоого алып, тергөө иштерин алып барууда. Кабулдун полициясынын өкүлү…

Казакстандын Чек ара кызматы казак-орус чек арасында өлкөгө кирүү үчүн кезекте турган чет өлкөлүктөрдүн саны кескин көбөйгөнүн ырастады. “Жүргүнчүлөр менен транспорт каражаттарынын агымы көбөйгөнүнө байланыштуу төрт чек ара бекетинде кезектер жаралды. Ал жактагы абал өзгөчө көзөмөлдө турат. 30 автоунаа өткөрүү бекети штаттык режимде иштеп жатат”, – деп жазылган мекеменин билдирүүсүндө. Чек ара кызматы тиешелүү мамлекеттик органдар менен биргеликте “чек арадагы өткөрүү бекеттериндеги коопсуздуктун жана коомдук тартиптин сакталышы камсыздалып жатканын” белгиледи. Бүгүн Ички иштер министрлигинин Миграциялык…

 Кыргызстан Тажикстанды ЖККУдан чыгаруу маселесин көтөрдү. Бул тууралуу кечээ, 22-сентябрда өткөн тегерек столдо Коопсуздук кеңешинин катчысы Марат Иманкулов билдирди. Ал кыргыз-тажик чек ара маселеси боюнча Кыргызстандын позициясын дагы бир жолу баса белгилеп, өлкө маселени тынчтык жолу менен гана чечүүгө ниеттенип жатканын билдирди. “Эки мамлекеттин ортосунда келип чыккан маселелер тынчтык жолу менен чечилиши керек. Эгер кимдир бирөө күч колдонууга аракет кылса, аны уюмдан чыгарууну сунуштайбыз. ЖККУга мүчө болуп, тышкы коркунучтан коргонууну күтүп, бирок уюмдун ичиндеги кайсы бир өлкө…

  Кыргызстандагы чет өлкөнүн 20дан ашуун дипломаттары жана ЖМК өкүлдөрү Тажикстандын 14-17-сентябрда Кыргызстанга жасаган куралдуу агрессиянын натыйжасында талкаланган Баткен облусунун айылдарына барышты.  Дипломаттар, эл аралык уюмдардын, ошондой эле журналисттер Тажикстандын куралдуу агрессиясынан эң көп жабыркаган Лейлек жана Баткен райондорунун Интернационал, Максат, Достук жана Капчыгай айылдарында болушту. Жергиликтүү тургундар жана мамлекеттик органдардын кызматкерлери болгон окуялар жана Тажикстан тараптан келген куралдуу топтордун мыйзамсыз аракеттери тууралуу айтып берип, талкаланган жана тонолгон турак-жайларды, мектептерди, бала-бакчаларды, базарларды, административдик жана социалдык объектилерди, милициянын пункттарын жана башка инфраструктуралык объектилерди…