КМШ Мамлекет башчыларынын саммитине 2023-жылы Кыргызстан төрагалык кылат. Мындай чечим Астанада өткөн өлкө башчылардын кеңешинде кабыл алынды.  Мамлекеттердин башчылары шериктештик алкагындагы актуалдуу маселелерди талкуулап, кызматташтыкты өнүктүрүү жана бекемдөө боюнча бир катар документтерге кол коюшту.  Президент Садыр Жапаров өз сөзүндө бири-биринин территориалдык бүтүндүгүн урматтоо жана азыркы чек аралардын кол тийбестиги сыяктуу маанилүү принципти баса белгиледи.

Түркиянын түндүгүндөгү Бартын шаарындагы шахтада жарылуу болуп, кеминде 28 киши каза болуп, 20сы жаракат алды. Бул тууралуу өлкөнүн Саламаттыкты сактоо министри Фахреттин Кожа Твиттердеги баракчасынан билдирди. Ички иштер министри Сулейман Сойлу буга чейин жарылуу болгон учурда шахтада жалпысынан 110 адам иштеп жактанын билдирген. Бартын шаарынын губернатору Нуртаж Арслан окуя 14-октябрь күнү кечинде 300 метр тереңдиктеги көмүр шахтасында болуп, 49 адам жер астында камалып калганын билдирди. Президент Режеп Тайып Эрдоган ички иштер министри менен жаратылыш ресурстары…